Teaterframsyning for barn som pårørande

Kulturtilbud , 06.12.2016 , Kreftpoliklinikken Molde

Har du barn som pårørande? Eigne barn, barnebarn, nieser/nevøar? Kreftpoliklinikken i Molde arrangerer ny kveld for barn som pårørande, og har gleda av å kunne invitere heile familien med på teaterframsyninga «Snekker Andersen og Julenissen»


Framsyninga varer i ca 50 minutt og er Alf Prøysens si varme og jordnære julefortelling om snikkaren og julenissen som bytter roller på julaftan. Ei enkel forteljing om familie, fellesskap og forventning. Men også om å stå åleine ute om julenatta og sjå inn i dei varme stovene. Om å ha ei hemmelegheit. Dette er ei framsyning med fascinerande animasjon, teateret sine skodespelarar i samspel med elevar frå Molde kulturskule og musikk av Steinar Raknes.

Vi inviterer heile familien til ei fredeleg stund i julestria, med julestemning og ei felles oppleving i teatersalen. Før framsyninga tilbyr Kafe Kurt risgraut med saft til. Vi har fått eit eige rom der vi kan samlast og ete før framsyninga. Teaterbillettane er sponsa av barnekoordinator i Helse Møre og Romsdal, og difor må vi ha påmelding til denne kvelden.

Når og kor

Dato
06.12.2016 
Klokkeslett
18:00-19:00 
Stad
Plassen, Molde
 
Arrangør
Kreftpoliklinikken og lindrande team Molde
 
Kontakt
Påmelding til kreftpoliklinikken på telefon 71 12 19 18
Frist for å melde seg på er torsdag 10. november.
 

Du kan seie frå til oss at du ønsker å vere med og kor mange du har med. Sei ifrå om de berre vil ha teaterbillettar eller om de også ønskjer å ete graut i lag med oss før framsyninga.

Vi samlast kl 17:00 for å ete graut i lag

Oppmøte til framsyninga kl 17:45

Vi ønskjer dykk hjarteleg velkomne til ein kveld i lag med oss, og vi håper at mange ønsker å kome!

Vennleg helsing Trude, Anne Lise, Ann Kristin, Ingvill, Randi, Janne, Bardo, Randi, Eli, Hanne Kathrine og Siri på kreftpoliklinikken 

Fann du det du leita etter?
Tilbakemeldinga vil ikkje bli svart på. Ikkje send personleg informasjon, for eksempel epost, telefonnummer eller personnummer.