​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Utanom treningstid og andre gjeremål. Ring oss for informasjon om når på dagen det passer best med besøk.

​Av omsyn til brannfare er det ikkje tillate å brenne stearinlys på senteret. Du må heller ikkje brukar laddar til mobil og nettbrett om natta. Sjå elles oppslag om branninstruks og rømmingsvegar.

​Eigen mobiltelefon kan nyttast. Likevel oppmodar vi til å ikkje bruke telefon i fellesområda, under måltid og ved behandling

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.  

​Kioskskap ved resepsjonen. Her kan du få kjøpt enkelte varer, ta kontakt med personalet. Dersom du ønsker å handle noko i sentrum, må dette avtalast.

​Det er gratis å parkere ved Mork rehabiliteringssenter.

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

​Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss

Bussen stoppar om lag 1 km frå Mork rehabiliteringssenter.

Fly

Ørsta-Volda lufthamn, Hovden er næraste flyplass.

​Oppbevaring og bruk av alkohol og anna rusmiddel er ikkje tillate.

​Røyking/Bruk av El-sigarettar er ikkje tillate på Helse Møre og Romsdal sine område. Vi har mange pasientar som ønsker å slutte å røyke. Vi ber difor deg og dine besøkande ta omsyn til dette.

​Dersom pårørande er sjuke bør ein vente med besøket til ein er frisk. Vi gjer merksam på at ved mage-/ tarminfeksjonar går det 48 timar etter siste symptom, før ein reknast som smittefri.

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.

​Du må ta med toalettsaker, (såpe, shampo, tannkost og tannkrem).

​Vask av kle må så langt som mogleg bli ivareteke av pårørande. Vi samlar skittentøy i posar nedst i kleskapet hjå pasienten, og ber om at pårørande tek kleda med heim for vask. Dersom pårørande eller pasient ynskjer å vaske kle her på huset, kan ein avtale dette med personalet. Vi kan i spesielle tilfelle ta på oss litt klesvask. Kleda må då være godt merka. Vi tek ikkje ansvar for klede som blir øydelagde, eller kjem bort i vask.

​Vi oppmodar om at du ikkje har store verdiar liggande på pasientromet. Der er ein safe til oppbevaring hjå kontorpersonalet om det er behov for dette.