Skriv ut Allergivaksinering av barn og ungdom, Ålesund

Vel utskrift fra denne sida

Vel alt

Allergivaksinering av barn og ungdom, Ålesund

Poliklinikk og dagbehandling for barn og unge Ålesund

Allergivaksinering blir også kalla hyposensibilisering eller spesifikk immunterapi. Dette er aktuelt ved uttalt allergi særleg mot pollen og bie- og vepsegift, men unntaksvis også mot dyrehår eller husstøvmidd.

Innleiing

Barnet må vere over fem år og ha hatt symptom på problematisk allergi over minst to år. Det må ligge føre positiv allergitest (prikktest eller blodprøve) på aktuelle allergen.
Prinsippet for behandlinga er å tilføre allergenet (det man er allergisk mot) regelmessig over lang tid (3 år, evt. 5 år), og dermed endre kroppen/immunforsvaret sin reaksjon ved «vanleg» kontakt via hud/slimhinner. Ein vel då ut eitt eller to allergen som utgjer hovudproblemet.

Fastlege eller anna helseteneste som tilviser til utgreiing

1. Før

Vaksinasjon blir ikkje gitt dersom barnet/ungdomen har ein infeksjonssjukdom (forkjølt, influensa, bronkitt eller liknande) dei siste tre dagane før vaksinasjon. Blir du sjuk eller hindra frå å møte opp, skal du kontakte oss og avtale ny tid til vaksinasjon.

2. Under

Ved behandling av graspollenallergi kan dette gjerast i form av smeltetablettar med graspollen-ekstrakt (Grazax) dagleg over tre år. Første tablett blir teke under observasjon på poliklinikken i 30 minutt før ein kan forlate avdelinga. Vanlege bivirkningar er kløe/svie/ubehag i munnhula nokre minutt etter inntak. Behandlinga elles foregår heime med kontroll hos lege ei stund etter oppstart og i etterkant av graspollensesongen.

Ved behandling av bjørk-, gras-, katt-, husstøvmidd-allergi osv. blir dette gjort i form av injeksjonar (sprøyter) i overarma. Det er vanleg at dette går føre seg som opptrapping med ei dose kvar veke i sju veker. Deretter gradvis overgang til ei dose annakvar månad i tre år. Dei første gongane får ein to-tre sprøyter med 30 minutt mellomrom. Ein behandlingsdag kan då ta omlag to timar.

3. Etter

Det er under heile behandlinga ein risiko for at vaksinasjonane kan utløyse allergisymptom, spesielt under den første delen med doseøkinga. Med omsyn til eiga sikkerheit skal barnet alltid vere på avdelinga for observasjon i 30 minutt etter kvar vaksinasjon. Vi gjer eventuelt lungefunksjonstest (PEF) før og etter vaksinasjon. Dei mest vanlege bivirkningane er hevelse/kløe/ubehag på innstikkstaden.

Vi anbefaler at ein ikkje driv fysisk aktivitet/høgintens påkjenning på vaksinasjonsdagen. Ved bivirkningar ut over kløe/ubehag på innstikkstaden bør dette behandlast med allergimedisin, eventuelt kontakt lege.

Kontakt

Poliklinikk og dagbehandling for barn og unge i Ålesund

Telefon: Ålesund: 70 16 75 50 - Molde: 71 12 15 45
Måndag - fredag kl 08:00 - 15:30
Postadresse: Helse Møre og Romsdal HF
Postboks 1600
6026 Ålesund

Ålesund sjukehus

Besøksadresse: Åsehaugen 5(Google maps)
Telefon: 70 10 50 00
Medisinsk nødtelefon 1 1 3

Praktisk informasjon

Endre/avbestille time

Må du avbestille eller endre time, så ber vi deg ta kontakt med vår ekspedisjon - på telefon. Det er viktig at ringer så snart som råd og seinast innan 24 timar før avtalt time. Unytta timar som ikkje blir varsla vil bli fakturt. Ekspedisjonstida er frå måndag til fredag, kl 08.00 – 15.30.

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.

Parkering

Besøksparkering på tilvist stad på sjukehusområdet. Betaling pr. time kontant eller bankkort.

Biletet er klikkbart og gir større versjon (pdf).

Pasienthotellet

Næraste alternativ for pasientar og pårørande som treng overnatting er pasienthotellet på Åse.

Åse hotell

Presteteneste

Treng du nokon å snakke med?
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon finn du på pasientreiser.no.

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus.

Sjukehusapoteket i Ålesund

Apoteket ligg på nordsida av sjukehuset, nær inngangen til poliklinikkane.

Opningstider og kontaktinformasjon finn du på sjukehusapoteket sine sider

Ta bilde?

Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten at dei har sagt at det er greit.

Vi håper alle viser respekt for personvernet under besøket på sjukehuset.