EIA-test, Ålesund

Poliklinikk og dagbehandling for barn og unge Ålesund

EIA-test er ein tredemølletest for å sjå om du har ein tendens til astma utløyst ved fysisk påkjenning.

Tilvising og vurdering

 

Det er fastlegen som henviser til sjukehuset for EIA test.

Fastlege eller anna helseteneste som tilviser til utgreiing

1. Før

Dei siste 8 timane før testen skal det ikkje takast anfallsmedisin som Ventoline, Bricanyl, Airomir eller Atrovent, dersom ikkje anna er avtalt.
Siste 3 døgn  før testen skal det ikkje takast Oxis, Symbicort, Serevent, Seretide eller Singulair, dersom ikkje anna er avtalt.
Inhalasjonsstereoidar som Pulmicort, Flutide og Aerobec skal takast som vanleg.

Ta med joggesko og joggeklede, og evt. medisinar.

Dersom du nyleg har hatt, eller har ein pågåande infeksjon i luftvegane, eller tydeleg forverring av sin astma, vil det vere lite aktuelt å gjennomføre testen.

2. Under

Startar med pusteprøve/spirometri. Deretter skal du springe på tredemølle med ganske høg intensitet i ca 8 minutt. Under heile testen vil testleiar/sjukepleiar og evt. lege vere tilstades for å følgje med. Vi nyttar vanlegvis pulsklokke undervegs.

Etterpå blir det gjort fleire nye pusteprøver/spirometriar fram til 20 minutt etter avslutta belasting på tredemølla.

3. Etter

Dersom vi finn teikn til astma utløyst ved fysisk påkjenning med fallande lungefunksjon eller symptom under/etter påkjenning, vil du få behandling med Ventoline eller tilsvarande. Nokon vil ha behov for meir medisin i etterkant av testen.

Resultatet av undersøkinga vil bli gitt under legekonsultasjonen etter testen.

Kontakt

Poliklinikk og dagbehandling for barn og unge i Ålesund
Telefon
Ålesund: 70 16 75 50 - Molde: 71 12 15 45
Måndag - fredag kl 08:00 - 15:30
Postadresse
Helse Møre og Romsdal HF
Postboks 1600
6026 Ålesund
Ålesund sjukehus
Besøksadresse
Åsehaugen 5(Google maps)
Telefon
70 10 50 00
Medisinsk nødtelefon 1 1 3

Praktisk informasjon

​Endre/avbestille time

Må du avbestille eller endre time, så ber vi deg ta kontakt med vår ekspedisjon - på telefon. Det er viktig at ringer så snart som råd og seinast innan 24 timar før avtalt time. Unytta timar som ikkje blir varsla vil bli fakturt. Ekspedisjonstida er frå måndag til fredag, kl 08.00 – 15.30.

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

 

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.  

 

 


Parkering

​​Besøksparkering på tilvist stad på sjukehusområdet. Betaling pr. time kontant eller bankkort.

Kart over sjukehusområdet, inkludert informasjon om parkering.

Biletet er klikkbart og gir større versjon (pdf).

 

Pasienthotellet

​​​Næraste alternativ for pasientar og pårørande som treng overnatting er pasienthotellet på Åse.

Åse hotell


Presteteneste

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon finn du på pasientreiser.no.

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus. 
 

Sjukehusapoteket i Ålesund

​Apoteket ligg på nordsida av sjukehuset, nær inngangen til poliklinikkane.

Opningstider og kontaktinformasjon finn du på sjukehusapoteket sine sider

 

Ta bilde?

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten at dei har sagt at det er greit.

Vi håper alle viser respekt for personvernet under besøket på sjukehuset.