Hudpoliklinikken Ålesund

Fotodynamisk behandling av hud, Ålesund

Fotodynamisk behandling er ein behandlingsmetode for visse typar hudkreft og solskada hud. Behandlinga er enkel å utføre og gir som regel eit godt kosmetisk resultat.

Før

Behandlinga krev inga førebuing.

Under

Du bør setje av heile dagen til behandlinga. Området som skal behandlast blir først skrapa og deretter påført ein krem. Deretter blir det dekt med plaster, som skal ligge på minst tre timar. I dette tidsrommet kan du forlate poliklinikken. Etterpå vert kvart område belyst i ti minutt. Sjukepleiar er til stades.

Samhandlinga mellom krem og lys gjer at celleforandringane går tilbake. Behandlinga kan gi smerte, også i tida etterpå. Smertestillande tablettar som Paracet vil som regel dempe desse plagene. Ved bruk av Paralgin Forte må du unngå å køyre bil.

Ta med liste over eventuelle faste medisinar.

Etter

Den første veka må du rekne med hevelse, raudleg farge og væsking frå behandlingsområdet. Plaster skiftast ved behov. Når såret ikkje væsker lenger, rår vi deg til å bruke Duoderm® sårplate. Denne kan ligge på ei veke og toler fukt. Dersom det kjem sårskorpe over behandlingsområdet bør denne vere i ro til den fell av.

Vår anbefaling er at du beskyttar det behandla området mot sollys det første året.

Ver merksam

Kontaktinformasjon

Informasjon om timeavtale og besøk

Har du fått innkalling til time, er blodgivar eller skal besøke nokon på sjukehuset?

Sjå våre smitteverntiltak og gjeldande rutinar

Kart og parkering

Besøksparkering på tilvist stad på sjukehusområdet, sjå kart under.

Merk at du alltid må registrere bilnummeret på parkeringsautomat eller i EasyPark-appen ved ankomst
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
Appen EasyPark er også eit godt betalingalternativ

Praktisk informasjon

Barn som pårørande

Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.

Les om kva vi gjer for barn og ungdom som er pårørande

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.

Ladestasjon for el-bil

Vi har fått ladestasjonar for el-bil ved alle dei fire sjukehusa. Her finn du ladestasjonen ved ditt sjukehus:

No kan du lade el-bilen ved sjukehusa

Parfyme

Vi ber om avgrensa bruk av parfyme, då det er mange av pasientane våre som reagerer på dette.

Pasienthotellet

Næraste alternativ for pasientar og pårørande som treng overnatting er pasienthotellet på Åse.

Åse hotell

Preste- og samtaletenesta

Treng du nokon å snakke med?
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus.

Servicetorget

Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

07.30–15.30

Sjukehusapoteket i Ålesund

Apoteket ligg på nordsida av sjukehuset, nær inngangen til poliklinikkane.

Opningstider og kontaktinformasjon finn du på sjukehusapoteket sine sider

Spisestader

Kantina

Vi har god heimelaga mat, varme og kalde rettar, til gode prisar.

Du finn oss i 1. etasje. Velkomen!

Opningstider:

Måndag til fredag: kl 09.00 - 15.00
Helg og høgtid: stengt

Kiosk

I tillegg har vi kiosk i hovedvestibylen ved sjukehuset.