HELSENORGE
Gynekologisk poliklinikk Volda

Medikamentell abort, Volda

Du kan få medikamentell abort på sjukehuset fram til og med veke 12 i svangerskapet. Seinare i svangerskapet må søknaden bli behandla av abortnemnda ved sjukehuset for at aborten skal kunne bli gjennomført.På same måte som ved heimeabort vil du få eit medikament som startar abortprosessen. Etter to dagar kjem du tilbake til sjukehuset for å gjennomføre aborten her.

Innleiing

Tilvising og vurdering

Det er viktig at du tar kontakt med fastlegen eller kontaktar sjukehuset direkte din så tidleg som moleg dersom du er ufrivillig gravid og vurderer å avbryte svangerskapet.  Du kan kontakte sjukehuset direkte utan nokon tilvisning. 

Ved den første konsultasjonen blir det utført ei gynekologisk undersøking for å vurdere svangerskapslengde og Clamydia-testing før vidare tilvisning til sjukehuset. Du blir bedt om å signere eigenerklæring «Begjæring om svangerskapsavbrot».
 
Har du behov for meir informasjon og støtte før du bestemmer deg kan du kontakte Amathea – Veiledningsteneste for gravide.

Før

På sjukehuset får du ein samtale med sykepleiar og/eller lege. Etter at du har vore til undersøking og vurdering på sjukehuset og det er avtalt at aborten skal skje ved hjelp av medikament, er det er to ulike medikament som vert nytta:

  • Mifegyne som startar abortprosessen
  • Cytotec som hjelper kroppen å fullføre aborten.

Første del av behandlinga skjer på gynekologisk poliklinikk. Du får tabletten Mifegyne som svelgast. Når den er tatt er det for seint å ombestemme seg. Du kan reise heim og skal kome tilbake til gynekologisk avdeling innen 36-48 timar for behandling.

Du kan få blødning og menstruasjonsliknande smerter etter at du har tatt Mifegyne. Bruk bind og ikkje tampongar ved blødning. Du kan ta paracetamol 1 gram inntil fire gonger i døgnet. Hos nokre få skjer aborten utan at du har fått Cytotec.

Ta kontakt med sjukehuset dersom:

  • du kastar opp før det er gått 2 timar etter inntak av Mifegyne
  • aborten skjer utan at vidare behandling er sett igang 


Under

Mellom 36-48 timar etter at du har tatt Mifegybe, kjem du tilbake til sjukehuset. Du kan gjerne ha ein person med deg. Behandlinga kan ta tid, så ta gjerne med lesestoff eller lignande.

  • spis gjerne frukost før du kjem
  • du vil bli mottatt av sjukepleiar som gir deg informasjon om vidare behandlingsplan
  • du vil få 4 tablettar som du skal sette djupt i skjeden
  • vent 10-15 minutt med å reise deg opp - deretter bør du vere oppe for å hjelpe prosessen igang
  • du vil få smertestillande tablettar etter behov
  • det er vanleg å vere innlagt minst 6 timar
  • dersom det går lengre enn fire timar før du får blødning vil du få ein ny dose tablettar i skjeden (kvar 3. time til aborten er gjennomført)
  • du kan få kraftige menstruasjonssmerter og det er normalt å blø rikeleg
  • du kan ikkje køyre bil behandlingsdagen
  • etter heimkomst bør du ha ein person saman med deg første døgnet etter du kommer heim frå sjukehuset.

Etter

Menstruasjonsliknande bløding er vanleg den første veka. Mindre bløding eller brunleg utflod er normalt dei neste 2-3 vekene. Vi tilrår at du brukar bind og unngår tampongbruk i denne perioda. Unngå samleie og bading så lenge du framleis blør.

Menstruasjonen kjem vanlegvis tilbake 4-6 veker etter aborten. Du kan starte med hormonell prevensjon rett etter aborten. Spiral kan settast inn etter 4 veker hos eigen lege. Elles kan du trene og vere i aktivitet som vanleg.

Etterkontroll:

4 veker etter aborten skal du ta ein graviditetstest.

Ta kontakt med sjukehuset dersom du har:

  • positiv graviditetstest etter fire veker
  • smerter og kraftig blødning med klumpar i meir enn 14 dagar
  • bløding som varar meir enn 28 dager
  • feber (over 38 grader)
  • ikkje har fått menstruasjonen tilbake etter 6 veker

Vi gjer merksam på at inntakt graviditet etter abort vil inntreffe hos 1-2 kvinner av 1000 som får behandling. Metodesvikten er den same om behandlinga skjer ved medikamentell eller kirurgisk abort. Det er derfor viktig at du tar graviditetstest 4 veker etter gjennomført abort.

Kontaktinformasjon

Informasjon om timeavtale og besøk

Har du fått innkalling til time, er blodgivar eller skal besøke nokon på sjukehuset? 

Sjå våre smitteverntiltak og gjeldande rutinar

Parkering

Ved Volda sjukehus finn du dei fleste parkeringsplassane på oppsida (nordsida) av sjukehuset. I tillegg er det noko parkeringsareal mellom DPS-et og hovudbygget. 

Det er kostnadsfritt å parkere ved sjukehuset. HC-parkering ved hovudinngangen, akuttmottaket, DPS og BUP. Det er moglegheit for av- og påstiging rett utanfor hovudinngangen.

Parkering ved Volda sjukehus. Oversiktsbilde med markeringar.


 

Praktisk informasjon

Barn som pårørande

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Besøkstid Volda sjukehus

Besøkstid kl. 17.00-19.00 alle dagar. 

Ta kontakt med aktuell avdeling før besøket. ​


På barselavdelinga gjeld følgjande besøkstider​​​​​​

For partnar som ikkje er innskriven i avdelinga saman med mor er kjernetida for besøk mellom kl 10.00-20.00.

Søsken til den nyfødte er velkomen mellom kl 17 og 18, eller etter nærare avtale. 

Besøkstid for besteforeldre mellom kl 17.00 og 18.00.

Vi anbefaler ro rundt mor og barn i barseltida på sjukehuset.​​

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

 

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.  

 

 


Ladestasjon for el-bil

​Vi har fått ladestasjonar for el-bil ved alle dei fire sjukehusa. Her finn du ladestasjonen ved ditt sjukehus:

No kan du lade el-bilen ved sjukehusa

Parfyme

​Vi ber om avgrensa bruk av parfyme, då det er mange av pasientane våre som reagerer på dette.


Preste- og samtaletenesta

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus. 
 

Servicetorget

​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

08.00–16.30

Spisestader

Kantina

Hos oss får du god heimelaga mat til gode prisar. 

Middagsservering kvar dag frå kl 12.00 - 16.00. I tillegg har vi litt kioskvarer, krigler, kaker og påsmurt brødmat. Vi har også pålegg og brødmat som du kan smøre sjølv.

Opningstider:

  • Måndag til fredag: kl 08.00 - 16.00
  • Laurdag og søndag: kl 12.00 - 16.00

 

Ta bilde?

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten løyve.

Vi håper alle viser respekt for personvernet under besøket ved sjukehuset.

Fann du det du leita etter?