Poliklinikk for hjartesjukdommar Ålesund

Øsofaguspacing

Ved øsofaguspacing stimulerar ein forkammeret til hjartet med ei elektrode via spiserøyret for å framkalle rytmeendringar (tachycardi).

Innleiing

Undersøkinga blir gjort for å vurdere pasientar med plagsom tachycardi eller mistanke om dette.

Undersøkinga kan ta opp til 1 1/2 time frå oppmøtetidspunkt.

Før

Medisin

Dersom du brukar medisin mot rytmeforstyrringar kan det vere aktuelt å stoppe med desse dei siste 2-3 dagane før undersøkinga. Dette vil du eventuelt få beskjed om. Ta med oppdatert medisinliste når du kjem.

Faste

Dersom timen til undersøkinga er før kl. 12.00 skal du faste frå midnatt. Er timen etter kl. 12.00, kan du spise ein lett frukost før kl. 08.00 og deretter faste.

Bilkøyring

Då du vil få litt beroligande/smertestillande medisin under undersøkinga, kan du ikkje køyre bil den dagen du får utført undersøkinga.

Under

Personalet du møter ved undersøkinga er lege og sjukepleiar.

Undersøkinga blir gjort i vaken tilstand. Du får innlagt ei venekanyle i ei blodåre i armen slik at du kan få smertestillande og beroligande medisinar gjennom den. Ein tynn elektrode blir lagt gjennom nasen til spiserøyret. Gjennom elektroden blir hjartet stimulert med små strømimpulsar, dette kan du merke som hjartebank eller ekstraslag. I tillegg kan du merke lett svie/ubehag bak brystbeinet i halsen. Dersom du synes det er smertefullt eller ubehageleg, må du gi beskjed og du kan eventuelt får meir smertestillande/beroligande medisin.

Ved rytmeendringar kan vi stoppe desse med ny stimulering. Ofte vil vi starte og stoppe anfalla fleira gonger for å få gode registreringar. Av og til må ein gi eit stresshormon (isoprenalin) intravenøst for å få utløst anfallet, og dette vil du merke som hjartebank. Det kan bli aktuelt å teste kva slags medisin som er effektiv mot anfallet.

Etter

Legen informerer deg om resultatet av testen og eventuelle behandlingsalternativ. Venekanyla blir fjerna etter avslutta test, og du reiser heim når du kjenner deg i form.

Fastlegen får brev om resultatet.

Kontaktinformasjon

Informasjon om timeavtale og besøk

Har du fått innkalling til time, er blodgivar eller skal besøke nokon på sjukehuset?

Sjå våre smitteverntiltak og gjeldande rutinar

Kart og parkering

Besøksparkering på tilvist stad på sjukehusområdet, sjå kart under.

Merk at du alltid må registrere bilnummeret på parkeringsautomat eller i EasyPark-appen ved ankomst
Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
Appen EasyPark er også eit godt betalingalternativ

Praktisk informasjon

Barn som pårørande

Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar.

Les om kva vi gjer for barn og ungdom som er pårørande

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.

Ladestasjon for el-bil

Vi har fått ladestasjonar for el-bil ved alle dei fire sjukehusa. Her finn du ladestasjonen ved ditt sjukehus:

No kan du lade el-bilen ved sjukehusa

Parfyme

Vi ber om avgrensa bruk av parfyme, då det er mange av pasientane våre som reagerer på dette.

Pasienthotellet

Næraste alternativ for pasientar og pårørande som treng overnatting er pasienthotellet på Åse.

Åse hotell

Preste- og samtaletenesta

Treng du nokon å snakke med?
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus.

Servicetorget

Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

07.30–15.30

Sjukehusapoteket i Ålesund

Apoteket ligg på nordsida av sjukehuset, nær inngangen til poliklinikkane.

Opningstider og kontaktinformasjon finn du på sjukehusapoteket sine sider

Spisestader

Kantina

Vi har god heimelaga mat, varme og kalde rettar, til gode prisar.

Du finn oss i 1. etasje. Velkomen!

Opningstider:

Måndag til fredag: kl 09.00 - 15.00
Helg og høgtid: stengt

Kiosk

I tillegg har vi kiosk i hovedvestibylen ved sjukehuset.