Skriv ut Røntgen av skjelett, Kristiansund

Vel utskrift fra denne sida

Vel alt

Røntgen av skjelett, Kristiansund

Radiologi Kristiansund

Bruk av røntgenstrålar er den tradisjonelle måten for å ta røntgenbilete av skjelettet. Metoden blir nytta for å påvise eller vurdere skade og sjukdommar, eksempelvis brotskadar og slitasjeforandringar.

Innleiing

Ved enkelte røntgenundersøkingar blir gjennomlysing brukt. Dette er ein metode der ein kan studere anatomi og dynamiske prosessar samtidig som bilete blir tatt.

Vi tek i mot drop in på skjelettundersøkingar alle kvardagar frå kl. 09:00 - 14:00.

Tilvising og vurdering

Tilvising av lege på sjukehuset eller primærhelsetenesta.

Sikre rett bruk av røntgenundersøkingar

Når er det rett å bruke bildediagnostike tenester? Kompetanse om dette er viktig for å unngå overforbruk og sikre rett bruk bildediagnostiske tenester. Filmen er eit samarbeid mellom Akershus universitetssykehus og Statens strålevern.

Graviditet og røntgen

Filmen viser konkrete eksempel på vurderingar av røntgenundersøkingar ved graviditet. Filmen er eit samarbeid mellom Akershus universitetssykehus og Statens strålevern.

Sjekkliste for tilvisning - Fastlege eller anna helseteneste som tilviser til utgreiing

Fastlege eller anna helseteneste som tilviser til utgreiing

Merk tilvisinga om det er Drop In, akutt hjelp eller om pasienten skal innkallast til time.
Vi treng å vite kva som er avtalt med pasienten.

Vi tek i mot drop in på lunge og skjelettundersøkingar alle kvardagar frå kl. 09:00 - 14:00.
Det må bestillast time for ultralyd, CT og MR.

Ved akutt hjelp skal ein alltid sende med pasienten papirtilvising i tillegg til elektronisk tilvising.
Merk tilvisinga med "grad av hast".
Er pasienten gravid må ein opplyse om det.
Dersom pasienten har behov for tolk, må ein oppgi dette i tilvisinga. Samt kva språk pasienten snakkar. Tolken kan ikkje vere gravid.
Tilvisinga må innehalde:
- gode kliniske opplysingar
- kort og presis beskriving av problemstillinga - kva ein ønsker undersøkt

1. Før

Røntgenundersøking av skjelettet krev inga førebuing.

Dersom du er gravid eller har mistanke om dette, ta kontakt med røntgenavdelinga i god tid før undersøkinga.

Røntgenstrålar kan vere skadelege for eit foster.

Eksakt informasjon om førebuing til undersøkinga vert sendt til deg ved innkalling eller gitt ved avdelinga når timen blir avtalt.

2. Under

Når du vert undersøkt sit/står du framfor eit røntgenapparat eller ligg på ein undersøkingsbenk med røntgenapparatet over eller under deg.

Du må kle av deg i det området som skal undersøkast. Spesielt klede som inneheld metall er viktig å ta av.

Ved innstilling og under sjølve bilettakinga må kroppsdelen vi undersøker vere heilt i ro. Vi tek som oftast minst to bilete av kvar kroppsdel, for å framstille skjelettet frå ulike vinklar.

Bilettakinga gjer i hovudsak ikkje vondt. Dersom du har smerter i den aktuelle kroppsdelen på grunn av ein skade, kan det vere vondt å halde den stillinga som radiografen treng for å ta eit godt bilete.

Undersøkinga varer frå fem til 20 minutt, avhengig av kva som skal undersøkast.

3. Etter

Inneliggande pasientar kan gå attende til avdelinga med det same.

Andre pasientar kan reise heim eller gå vidare til eventuelle andre avtalar på sjukehuset.

Resultat av undersøkinga.

Bileta vert granska av ein røntgenlege som lagar ei beskriving av kva bileta viser.
Innan ei veke vert beskrivinga sendt til legen som tilviste deg.

Ved akutte tilstandar blir det gitt eit foreløpig svar like etter undersøkinga.

Inneliggande pasientar får vanlegvis svar neste dag.

Ver merksam

Undersøkinga medfører ingen komplikasjonar.

Kontakt

Oppmøte

Radiologisk avdeling finn du i plan 0. Gå inn hovudinngangen (plan 1) og ta heis ein etasje ned eller
gå inn inngangen ved sjukehusapoteket (plan 0).

Ta kontakt med røntgenekspedisjonen ved frammøte.

Radiologi Kristiansund

Telefon

71 12 24 50

måndag - fredag

08:00 - 15:00

E-post

hnr.kr.rtg.eksp

Postadresse

Klinikk for diagnostikk
Avdeling for radiologi Molde/Kristiansund, Seksjon Kristiansund
Helse Møre og Romsdal HF
Kristiansund sjukehus
Herman Døhlens vei 1
6508 Kristiansund

Kristiansund sjukehus

Besøksadresse: Herman Døhlens vei 1(Google maps); 6508 Kristiansund
Telefon: 71 12 00 00
Medisinsk nødtelefon 1 1 3

Praktisk informasjon

Endre/avbestille time

Skulle du ha behov for å endre time kan du ringe avdeling for radiologi, Kristiansund sjukehus på telefon 71 12 24 50 mandag - fredag i tidsrommet 09:00 - 15:00.

Det er viktig at du ringer så snart som råd dersom oppsett time ikkje passer. Unytta timar som ikkje er varsla blir fakturert.

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.

Presteteneste

Treng du nokon å snakke med?
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon finn du på pasientreiser.no.

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus.

Sjukehusapoteket i Kristiansund

Opningstider og kontaktinformasjon finn du på sjukehusapoteket sine sider

Spisestader

Kantina i 2. etasje er open for pasientar, pårørande og tilsette.

Kantina har følgjande opningstider:

Måndag til fredag: kl 08.00 - 14.30
Helg og høgtid: stengt

I tillegg kan du finne kiosk i 1. etasje ved Kristiansund sjukehus.

Ta bilde?

Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten at dei har sagt at det er greit.

Vi håper alle viser respekt for personvernet under besøket på sjukehuset.