​Lærings- og meistringssenteret i Helse Møre og Romsdal er glade for at personar med osteoporose og deira pårørande kan få tilbod om gruppeopplæring gjennom dagskurs nær der dei bur.  Dette er eit populært kurstilbod ein har hatt ved Kristiansund sjukehus tidlegare og no vert det rigga på ein slik måte at også personar på Søre og Nordre Sunnmøre kan møte nærare der ein bur.

Kurset vert halde ved Kristiansund sjukehus fredag 1. september 2023, der fagpersonane og kurshaldarane er samla, med ei digital overføring til Volda og Ålesund sjukehus* der ein kan følge kurset på storskjerm. Ved alle stadane kan ein få treffe andre i liknande situasjon, i tillegg vil rådgivarar ved Lærings- og meistringssenteret vere tilstades.

Hugs at ein treng tilvisng frå lege/behandlar for å kunne delta på kurstilbodet. 

Meir om kurstilbodet

Kurset er arrangert av Osteoporosepoliklinikken/ Seksjon for kirurgi og ortopedi ved Kristiansund sjukehus i samarbeid med Lærings- og meistringssenteret, Sykehusapoteket, Seksjon for klinisk støtte og Radiologisk avdeling.

Kurset er eit såkalla hybridkurs der kurset vert halde fysisk ved sjukehuset i Kristiansund med digital overføring* og fysisk oppmøte også ved sjukehuset i Ålesund eller Volda der kurset vert vist på storskjerm (*med atterhald om nok påmeldte ved Ålesund/Volda sjukehus).

Målet med kurstilbodet er få auka kunnskap om kva osteoporose er, førebygge forverring og skape auka tryggleik, forståing og mestring i det å leve med osteoporose. 

Tilvising og oppmøte