Utdanningsutvalet er eit rådgjevande organ for direktør og fagdirektør i Helse Møre og Romsdal (HMR) HF i spørsmål kring utdanning og kompetanse, og er viktig i arbeidet med å vurdere utdanningskapasitet og utdanningskrav for føretaket.  

- Utvalet legg overordna planar og strategiar for føretaket til grunn, som Utviklingsplanen for Helse Møre og Romsdal, Strategi og handlingsplan FIUK, Strategi 2030, Strategi for utdanning og kompetanseutvikling i Helse Midt-Norge og Nasjonal helse- og sjukehusplan 2020-2023, seier utdanningssjef Guro Berge. 

Etableringa er ein del av den vidare satsinga på utdanning i føretaket og hadde sitt første møte mai og deretter nytt møte i desember 2021.  I møta diskuterer vi tema som er relevante for våre tilsette, som modeller for praksisrettleing, utlysning av utdanningsmidler, praksisplasskoordinering og pedagogisk kompetanse. I tillegg er møta ein god arena for samhandling på tvers av profesjonar, geografisk tilknytning, og mellom stab og klinikk.  

-Det er godt at vi no har dette utvalet på plass for styrke satsing på utdanning. Dette er ein riktig måte å sikre at stab og klinikk er på same kurs. Utvalet er ein viktig arena for å styrke samarbeidet og sette strategiske mål saman. Vi skal i gong med eit betydningsfullt arbeid og det er gledeleg at vi no har kome i gong med dett​

-Utdanningsutvalet er ein spanande arena med god breidde innan ulike profesjonar og fagfelt, kor vi sett lys på og er rådgjevande i aktuelle utdanningspolitiske og praktiske saker som er relevant for Helse Møre og Romsdal. For å lukkast med rekruttering i framtida er det avgjerande med kvalitet i praksisstudiar og høg fagleg standard i rettleiing av studentar, seier Follsø.    

Vi ser fram til å fortsette det viktige arbeidet i 2022, og planlegg for to møter i mars og i okrober. Det er vikitg at tema i møta gjenspeglar det som rører seg i utdanningsfeltet. Arbeidet i utvalet skal tilpassast til det som går føre seg både i lokalt samarbeidsorgan for utdanning og forsking (lenke) og det regionale utdanningsutvalet (lenke).     

Vi håper tilsette i klinikk er kjent med sin representant, og nyttar høvet til å spele inn aktuelle saker, tematikk og utfordringar som kan vere relevant å drøfte i utvalet.