Organisasjonsutvikling

Helse Møre og Romsdal har ein kontinuerleg utvikling og omstilling av drifta og verksemda for å sikre eit best mogleg pasienttilbod innanfor dei økonomiske rammene.

Tilsette i Kristiansund og Molde går saman i SNR

Eit stort investeringsprosjekt som Sjukehuset Nordmøre og Romsdal (SNR) gir likevel eit ekstra behov for utviklingsarbeid for å tilpasse drifta til nye konsept, nye pasientforløp og arbeidsprosessar.

For å kunne hente ut forventa faglege og driftsøkonomiske effektar av SNR, må det parallelt med bygginga skje organisasjonsutvikling som sikrar at tilsette kan utvikle ferdigheiter og kompetanse til å ta i bruk nye areal, ny logistikk og ny teknologi på ein god og effektiv måte. 

Les styresaka frå juni-møtet her

Tilsette i dei ulike klinikkane jobbar kvar dag med å levere best mogleg tenester. Derfor er det avgjerande at organisasjonsutviklingsarbeidet skjer i tett samarbeid med klinikkane slik at tilsette deltar aktivt i utviklingsarbeidet og førebuingane til innflytting i SNR.

Nye arbeidsprosessar

Nye konsept og arbeidsprosessar krev organisasjonsutvikling



HMR har oppretta ein eigen OU-funksjon med prosjektleiar Astrid Johanne Brandshaug som saman med linjeleiinga får ansvaret med å:

  • Utvikle framtidsretta, trygge og driftseffektive pasientforløp med nye arbeidsprosessar 
  • Tilrå organisering og felles klinikkleiing i interimsfasa, samt foreslå organisasjonsstruktur i SNR 
  • Planlegge ny bemanning og nødvendig kompetanse 
  • Utvikle gevinstrealiseringsplan med tiltak, klar framdriftsplan med milepælar og ansvarleg leiar 
  • Sikre god overgang frå prosjekt til drift SNR 
  • Utvikle felles fagmiljø og organisasjonskultur for Molde og Kristiansund sjukehus 
  • Koordinere OU-aktivitetar i SNR mot Helseplattformen og aktuelle forbetringsprogram i HMR 
  • Involvere andre delar av HMR inn i aktuelle prosessar 
  • Sikre samhandling med kommunane om felles pasientforløp


Organisasjonsutvikling før 2020

Helse Møre og Romsdal har i 2018 og 2019 gjennomført tre førebuande OU-prosjekt som skal følgjast opp i det vidare arbeidet

  • Plan for 8 timar effektiv drift av poliklinikk og dagbehandling
  • Fleksible og attraktive arbeidstidsordningar
  • Etablering av korttidspost
Fann du det du leita etter?