Medisinsk simulering gir betre pasientbehandling

I 2020 har simuleringsaktiviteten auka og stadig nye einingar ser verdien av å bruke simulering som pedagogisk metode i kompetansebygginga. Leiinga har lenge ønska å samle simuleringsmiljøa i HMR, men det er først i 2020 ei sentral koordinering er kome på plass.

Overordna struktur på plass

Simulering er ein pedagogisk læringsmetode som førebur tilsette og studentar på utfordrande situasjonar dei vil møte i joben sin. Studiar viser at simulering i realistiske omgjevnader gjev god læring og kan gje betre kvalitet, kommunikasjon og pasienttryggleik,

I HMR har denne satsinga i 2020 ført til at kvart sjukehus no har eit eige lager med utstyr som skal brukast i simulering. Etableringa av ein overordna struktur for utvikling og samordning i føretaket har vore viktig for å auke simuleringsaktiviteten. I Strategi for forsking, innovasjon, utdanning og kompetanse står det mellom anna: Simulering på tvers av profesjonar i realistiske omgjevnader vil til dømes trene helsepersonell si evne til god kommunikasjon, betre samhandling og forståing for kvarandre sine profesjonar.

​- I 2020 nådde vi ein milepstolpe i arbeidet med VirtSim med å få på plass eit eige team med simuleringskoordinatorar (i 20%) ved dei ulike sjukehusa i HMR. VirtSim-koordinatorane sikrar oversikt over ressursar, utstyr, aktivitetar, fasilitatorar og lokalitetar. Saman med teamkoordinator har dei fokus på å standardisere og fremje bruk av simulering som pedagogisk metode i HMR.  

Høg aktivitet trass utfordrande år

Sidan 2018 er det no årleg gjennomført tre simuleringsprosjekt som har vorte ein obligatorisk del av opplæringa for LiS1, SimiLis og for spesialsjukepleiarar – AIO, tverrprofesjonell teamsimluering og rettleiingssimuering. Studentaktivitetane er lagt til pasientrom og ein bruker det utstyret ein er kjend med. Noko som kallast å «simulere in situ». Aktivitetane kallast difor «in situ rettleiingssimulering» og «in situ teamsimulering». Slik kan studentane få delta i autentiske team med erfarent personale og handtere pasientar i meir akutte situasjonar i trygge omgjevnadar utan at nokon kjem til skade.

- I 2020 måtte vi endre mykje av planlagd aktivitet grunna covid-19 situasjonen. Våren 2020 vart SimiLis avlyst og hausten 2020 teamsimlulering avlyst. Dei planlagde aktivitetane var vanskelege å gjennomføre då personalet arbeider på tvers av ulike seksjonar, men rettleiingssimulering greidde vi å halde hausten 2020, seier Elisabeth Forberg. 

​I følge teamkoordinatoren handlar det om at tverrprofesjonell simulering kan bidra til læring gjennom samspel og fagleg aktivitet. Med tverrprofesjonell meiner vi at ulike faggrupper som legar, sjukepleiarar og helsefagarbeidarar deltek i undervisning og trening samstundes. 

Jobbar vidare med å få simulering inn i den dagleg drifta

Forberg fortel at i februar 2020 fekk VirtSim i samarbeid med NTNU tilslag på utdeling av midlar frå Helse Midt-Norge. Midlane skal bidra til å styrke kvalitet og relevans i praksisstudiar ved å legge tilrette for at dei to tidlegare prosjekta: rettleiingssimulering og teamsimulering med AIO studentar blir implementert i dagleg drift. Det skal utarbeidast gode prosedyrar for aktivitetane slik at dei kan utførast uavhengig av at «ildsjelene» for prosjekta er til stades.  

​Ho påpeikar at det er avgjerande for suksessen at aktivitetane skal leggast til faste tider. Føremålet er å utvikle ei prosedyre for gjennomføring av dei to simuleringsprosjekta. Det skal utviklast årshjul for simuleringsaktviteten ved NTNU og HMR som ein kan nytte i planlegging av annan samarbeidsaktivitet.

 - Framover om å fortsette det gode arbeidet og å samle alle simuleringsmiljø under same paraply. Det er og avgjerande med areal til øvingsaktivitetane då det er ein stor risiko knytt til in situ trening på grunn av tilgang på ledige rom i dei ulike seksjonane, avsluttar teamkoordinator Forberg.