Hopp til innholdet

Velg språk

Dine rettar, val og moglegheiter

Som pasient har du mange rettar. Desse er i hovudsak regulert av Pasient- og brukerrettighetsloven, som skal sikre at pasientar og brukarar får lik tilgang på helse- og omsorgstenester.

Publisert 11.10.2018 / Sist oppdatert 11.09.2023

Full oversikt over rettane dine (helsenorge.no)

Samval
Som pasient har du rett til å ta del i val som gjeld både utgreiing, behandling og oppfølging. Samval skal sikre at du får tilstrekkeleg, presis og relevant informasjon om kva du kan forvente av behandlingsalternativa.
Rett til å velge behandlingsstad
Du har rett til å velje behandlingsstad i heile Noreg når du har fått ei tilvising. Som pasient i spesialisthelsetenesta kan du samanlikne ventetider og sjå kva behandlingsstader du kan velje.
Eigendel og frikort
Du får dekt delar av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Når du har betalt over eit visst beløp i eigendelar, får du frikort for helsetenester.
Klage og erstatning
Du har rett til å klage dersom du meiner at du ikkje har fått oppfylt dine rettar som pasient, eller at du ikkje har mottatt dei helse- eller omsorgstenestene du har krav på. Pårørande kan også ha klagerett.
Rettar ved fristbrot
Når du har fått ein frist for helsehjelp og ikkje mottatt helsehjelpa innan denne fristen, har du rett til å få eit anna behandlingstilbod.
Pasientjournal
Pasientjournalen din er ei samling av opplysingar om helsehjelp du har fått. Som pasient har du rett til innsyn i alle dokument i din eigen pasientjournal.
Pasientreiser
Når du reiser til og frå offentleg godkjent behandling, kan du ha rett til å få dekt reiseutgifter.
Ekspertpanelet gir råd ved alvorleg livsforkortande sjukdom
Ekspertpanelet skal hjelpe dei aller sjukaste pasientane med kort tid igjen å leve. Desse pasientane kan få ei ny og grundig vurdering av behandlingsmoglegheitene sine, etter at all etablert behandling er prøvd.
Rettar ved pasient- og pårørandeopplæring
Pasientar og pårørande har rettar knytt til reiseutgifter og eventuelt nødvendige tilleggsutgifter. Rettane omfattar også reglar om opplæringspengar og fritt behandlingsval.
Kontaktlege
Alvorleg sjuke pasientar får eigen kontaktlege på sjukehuset. Ordninga skal sikre betre koordinering av helsetenester til denne pasientgruppa.

Fann du det du leita etter?