Organisering av traumesystemet
Cirka 20 fagfolk var samla for å starte arbeidet med revidering av Helse Møre og Romsdal sitt traumesystem sett opp mot ny nasjonal traumeplan som blei innført i 2017. Oppdraget kom i Utviklingsplanen for 2019 – 2022, og den breitt samansette arbeidsgruppa skal legge fram ei anbefaling om organisering innan 1. april 2019.
Nye krav
For å sikre best mogleg skadebehandling av hardt skadde pasientar, pliktar helseføretaket å ha eit tydeleg og oppdatert system for å handtere traume. Dagens prosedyrer er frå 2014, og dei siste åra har det skjedd endringar som påverker desse. Noko av dette er:
- Nasjonal Traumeplan blei innført i 2017, og har krav som verker inn på HMR.
- SNR er vedtatt, og prosessen med bygging og ny organisasjonsstruktur er i gong.
- Karkirurgi, mamma-/endokrinkirurgi skal samlast.
- Fagmiljø og kompetansen i sjukehusa er i endring, og status for dei ulike sjukehusa i HMR må sjåast opp mot krava som blir stilt i Nasjonal Traumeplan.
- Regional og lokal utviklingsplan
- HMR sin krevjande økonomisk driftssituasjon gjer også at det er behov for ein gjennomgang av korleis ein nyttar ressursane best mogleg.
Les heile mandatet for arbeidet her.
Medlemmar i arbeidsgruppa
Medlemmar i arbeidsgruppaBent-Åge Rolandsen | Leiar | Regional traumeansvarlig lege HMN |
Else Kari Heggem | Medlem | Traumekoordinator Molde/akuttmottak |
Erlend Arne Bae | Medlem | Traumekoordinator Volda/akuttmottak |
Georg Nikolai Johnsen | Medlem | Anestesilege, Molde |
Hans Olav Ose | Medlem | Beredskapsleiar, HMR |
Ingbjørn Vestre | Medlem | Anestesilege, Ålesund + AMK og Luftambulansetenesta |
Inge Lode | Medlem | Avdelingssjef radiologi, Ålesund og Volda |
Jon Backer Hjorthaug | Medlem | Gastrokirurg, Volda (traumeutvalgsleiar) |
Jon Erik Storvik | Medlem | Traumekoordinator Ålesund/akuttmottak |
Kenneth Klemetzen | Medlem | Gastrokirurg, Molde (traumeutvalgsleiar) |
Kristin Martinussen | Medlem | Controller, Økonomiavdelinga HMR |
Lars Erik Sjømæling | Medlem | Avdelingssjef, Prehospitale tenester HMR |
Lars Martin Rekkedal | Medlem | Avdelingssjef, kirurgiske legar HMR |
Odd Arne Haram | Medlem | Avdelingssjef radiologi, Molde og Kristiansund |
Peter Tolnai | Medlem | Anestesilege, Kristiansund |
Rune Heggedal | Medlem | Avdelingssjef, anestesilegar HMR |
Siw Andrea Todal | Medlem | Traumekoordinator Kristiansund/akuttmottak |
Torben Wisborg | Medlem | Nasjonal kompetansetjeneste for traumatologi, anestesiolog |
Tor-Johannes Stray Slørdahl | Medlem | Ortoped, Ålesund (traumeutvalgsleiar) |
Trine Kvalheim | Kommunikasjonsstøtte | Kommunikasjonsdirektør |
Unni Irene Arnestad | Sekretær | Kvalitetsrådgiver, Fagavdelinga HMR |
Øystein Bjerkestrand Lian | Medlem | Ortoped, Kristiansund (traumeutvalgsleiar) |
Øyvind Sandnes | Medlem | Gastrokirurg, Ålesund |
Innan april 2019 skal arbeidsgruppa gi eit fagleg råd som leggast fram for styringsgruppa der også tillitsvalde og vernetenesta er representert. Vidare vil fagdirektør legge saka frem for leiargruppa i HMR, og adm.dir. vil ta den vidare til styret i helseføretaket.
Vurderer akuttkirurgisk vaktordning for pasientar tilhøyrande Volda sjukehus
Samstundes er det ei anna arbeidsgruppe som skal vurdere den akuttkirurgiske vaktordninga ved Volda sjukehus. Arbeidsgruppa, som er breitt representert med fagfolk frå både Volda og Ålesund sjukehus, har per no hatt to møte der dei har samla inn data for å belyse dagens situasjon.
Hensikta med arbeidet er å sjå på risiko, kvalitet og helsetilbodet på Sunnmøre med dagens ordning, og ved ei eventuell endring av dagens ordning.
Per i dag har Volda sjukehus akuttkirurgisk vakt frå måndag kl 08 til fredag kl 16, med beredskapsvakt for inneliggande pasientar på helg.
Arbeidsgruppa skal utgreie og skissere ulike løysingar, med særleg vekt på styrker og svakheiter. For alle alternativa skal ein vurdere kvalitet, økonomi, risiko for fag og pasientar. Gruppa skal også sjå på utnyttinga av prehospital teneste i desse alternativa.
Målet er at gruppa skal ferdigstille arbeidet og legge dette fram for klinikksjef for kirurgi i november/desember 2018. Basert på utgreiinga skal klinikksjefen legge fram ei sak for adm.dir. og leiargruppa i HMR.