Avdeling for radiologi Ålesund og Volda

Avdeling for radiologi Ålesund og Volda har ansvar for det radiologiske tilbodet til pasientar på Sunnmøre, ei befolkning på om lag 148 000. Vi har óg pasientar frå andre delar av fylket innanfor spesielle områder. Mellom anna har vi ansvar for Mammografiprogrammet i Møre og Romsdal, der all bildetolking og oppfølging skjer ved brystdiagnostisk senter i Ålesund.

Vi tilbyr eit breitt utval av undersøkingar innan røntgen, ultralyd/doppler, CT (datatomografi), MR (magnetisk resonans), angiografi (bilete av blodårer) og beintetthetsmåling. Lokalisert i Ålesund har vi i óg ein eigen seksjon for nuklærmedisin, som nyttar PET og SPECT. Desse bileta vert tolka av legar ved St. Olavs hospital.

Radiologi er eit spanande fagområde i rask utvikling, og våre tilsette nyttar avansert teknologi store delar av arbeidskvardagen. Undersøkingane vi tilbyr er ein naturleg del av svært mange forløp for både innlagde og polikliniske pasientar, og vi har eit nært samarbeid med dei fleste kliniske avdelingane på sjukehusa.

Ein viktig del av arbeidet vårt er å vurdere kva for undersøking som vil vere best for den einskilde pasient. Vi ynskjer å bidra til forsvarleg utgreiiing av skadar og sjukdom, men samstundes unngå unødig stråleeksponering og overdiagnostikk. Vi støttar difor Norsk radiologisk forening sine anbefalingar: «Gjer kloke val».

Brystdiagnostisk senter (BDS)

Brystdiagnostisk senter mottek henviste pasientar for utgreiing med tanke på brystkreft. Undersøkingar som er aktuelle er mammografi, ultralyd og eventuell prøvetaking av brystvev.

Mammografi er ei røntgenundersøking av brysta som viser brystvevet for å oppdage eventuelle forandringar. I Noreg vert kvinner i alderen 50 - 69 år automatisk invitert til mammografiscreening annankvart år. Dette kallast «Mammografiprogrammet» og hensikta her er å oppdage brystkreft i eit tidleg stadium. Du kan lese meir om Mammografiprogrammet her.

Avdelingssjef Eirin Steinsvik
eirin.steinsvik@helse-mr.no

Fritt sjukehusvalg
Pasientreiser
Fastlegeordningen
Norsk Helseinformatikk - Pasienthandboka
NAV
Pasient- og brukerombudet
Helse- og omsorgsdepartementet
Helsefilm.no
Radiografforbundet
Radiologforeningen
Statens strålevern

Vurderer du jobb ved radiologisk avdeling Ålesund og Volda?

Velkommen til oss!

Om oss

Avdelinga vår inkluderer radiologiske seksjonar i Ålesund og Volda, og organisatorisk høyrer vi til i Helse Møre og Romsdal sin Klinikk for diagnostikk i lag med radiologi Molde/Kristiansund, patologi, mikrobiologi og biokjemi.

Vi har ein god kombinasjon av unge og erfarne overlegar, med høg kompetanse og stort fagleg engasjement!

I tillegg til diagnostikk og intervensjonar på CT, MR, UL og konvensjonell røntgen, har vi brystdiagnostisk senter og ein topp moderne angio-/intervensjonslab der det blir utført både generelle og avanserte intervensjonar (inkludert EVAR). I avdelinga køyrer vi SPECT-CT og PET-CT. Desse undersøkingane vert tolka av spesialistar i nukleærmedisin ved St. Olavs hospital, men det er store muligheiter for at vi får bygd opp eit eige nukleærmedisinsk miljø i Ålesund i tida framover.

Det nye AIO-bygget i Ålesund vil gi oss ei etterlengta oppgradering med takhengte røntgen i akuttstovene, eigen traume-CT i akuttmottaket og ei klargjort hybridstove for å auke aktiviteten vår innan intervensjon. Radiologi er eit fag i kontinuerlig rask utvikling. Mykje av det vi gjer i dag var utenkeleg nokre år tilbake, og slik forventar vi at det vil halde fram. Kunstig intelligens er på full fart inn i radiologien, som støtte til helsepersonell i arbeidet.

Radiologi har plass i mange pasientforløp, både i forbindelse med utgreiing og behandling. Dette gir oss anledning til å samarbeide og ha kontakt med fleire spesialitetar og fagmiljø, både internt på sjukehuset og med eksterne henvisarar.

Hand i hand med den stadige auken i kva radiologi kan utføre, kjem behovet for å sikre at muligheitene vert brukt på ein hensiktsmessig måte. Forventningane om tilgang på tenestene stig stadig, og radiologimiljøet har ei viktig rolle i å motverke ei utvikling i retning av overforbruk, overdiagnostikk og til sist potensielt pasientskader. Vi har også eit spesielt ansvar for å vurdere om stråledoser vi påfører pasienten er forsvarleg opp mot indikasjon.

Kva ønsker vi som leiarar i avdelinga?

I løpet av dei siste åra har avdelinga hatt leiarbytte både av avdelingssjef og seksjonsleiarane. Vi er ei stabil leiargruppe i avdelinga, med stor motivasjon og høge forventningar til positiv utvikling framover. Samla har vi kompetanse innan radiografi, leiing og kvalitetsarbeid, helsejus og samfunnsmedisin. Vi har også med oss erfaring frå radiologiske avdelingar i andre helseføretak, private helsetenester, bedriftshelseteneste og tilsynsmyndigheitene.

Saman med dei tilsette vil vi ha fokus på å legge til rette for at avdelinga skal vere ein god plass å vere – både for pasientar og tilsette. Vi har som mål å tenke langsiktig for å skape ein forutsigbar arbeidsplass, der tilsette får utvikle seg og den faglege kvaliteten er høg.

Vil du vere med på laget? Vi vil alltid vere interessert i å høyre frå deg, både om vi har lyst ut ledig stilling og elles!

Nysgjerrig på yrket eller stillingar hos oss?

Nysgjerrig på radiografyrket? Les meir her! (pdf)

Sjå korleis fagradiograf Hanne-Elin Vassbotn for CT i Volda har det på jobb (Youtube)

Er du lege? Sjå her! (pdf)