Vi har ei tverrfagleg tilnærming til pasientane og har følgende yrkesgrupper: sjukepleiar, vernepleiar, nevrolog, psykomotorisk fysioterapeut, osteopat, fysioterapeut, ergoterapeut og logoped. Dei ulike faggruppene tek kontakt med deg for kartleggingssamtale i forkant av opphaldet. Dette blir gjort som videokonsultasjon. På denne måten kjem vi raskt igang med relevant behandling når du kjem til senteret.

Du får eigen rehabiliteringskoordinator og aktivitetsplan for opphaldet.

 Vi tilbyr ulike opphald:

• Gruppeopphald Parkinson
• Arbeidsretta rehabilitering
• Vurderingsopphald
  

Gruppeopphald Parkinson

• Gruppeopphald: Her blir det undervisning, fysisk aktivitet, tema i små grupper, erfaringsutveksling og sosiale aktivitetar. Det vil variere mellom individuell- og gruppetrening. Treninga er basert på LSVT-big (en treningsmetode med mål om STORE bevegelser med god KVALITET) og PWR (treningsmetode, basert på holdning, vektoverføring, rotasjon og steg, som er tilpassa personar med parkinson). Passer ikkje for pasientar med store kognitive utfordringer. Det kan og bli aktuelt med digital/poliklinisk oppfølging gjerne i samarbeid med heimkommunen.
• Individuelt opphald: Dette er for deg som ikkje ønsker å delta i gruppe. Tilbodet blir individuelt tilpassa til dine utfordringar.
• Gruppeopphald for nydiagnostiserte: Dette blir ei intensiv veke med undervisning, fysisk aktivitet, tema i små grupper og sosiale aktiviteter. Her er fleire fagpersonar involverte.
  

Arbeidsretta rehabiltering

Arbeidsrettet rehabilitering er eit tilbod til personar med muskel/skjelett- og sammensatte lidingar, som har vore sjukemelde i max. 6 mnd, eller som står i fare for å bli sjukemeld. Vi tar også inn dei som har vore sjukemeld lengre enn 6 månadar, under føresetnad av at målet er at dei skal kom seg ut i arbeidslivet igjen. Tilbodet er gruppebasert, men individuelt tilrettelagd. Rehabiliteringa inneber ei tverrfagleg kartlegging, med fokus på dei ulike faktorane som har innverknad på helse, situasjon heime og deltaking i arbeidsliv m.m. Funksjonsvurdering, behandling individuelt og i gruppe, bassengtrening, temaundervisningar og samtalar er også ein del av rehabiliteringsopphaldet. Ta med oppfølgingsplan frå NAV, om du har ein slik.

Vurderingsopphald

Vurderingsopphald tilbyr vi til mindre definerte pasientgrupper med spesielt fokus på muskel-/ og skjelett tilstandar og nevrologiske tilstander. Vurderingsopphald er eit individuelt 5 dagars opphald. Vi utfører kartlegging ved tverrfagleg team og behandling individuelt og/eventuelt i grupper.

Tilvising til Aure rehabiliteringssenter

Spesialistlege ved sjukehus eller fastlege må sende elektronisk tilvisning til:

Helse Møre og Romsdal
Fysikalsk medisinsk rehabiliteringsavdeling
Ålesund sjukehus
Klinikk for kreftbehandling og rehabilitering

Presiser i tilvisinga at du søker pasienten til Aure rehabiliteringssenter. Tilvisinga må også innehalde opplysingar om:

• Kva type opphald det blir søkt om
  

• Aktuelle funksjonsvanskar og diagnose
  

• Kva som er prøvd av tidligare behandling, og kva som er noverande behandling/oppfølging

• Mål for opphaldet
  

• Legg ved Individuell Plan, ev. rapport frå andre faggrupper som pasienten mottek tilbod frå, f.eks. heimebasert omsorg, psykisk helse, fysioterapeut, ergoterapeut eller logoped
  

Nyttige nettsider

Norges parkinsonforbund