Vi tilrår at du alltid nyttar siste versjon av nettlesaren din.
Ungdom ser mot havet

Eit kart over tenestene for barn og unge

Barn og unges helseteneste

Satsinga barn og unges helseteneste består av sju samhandlingsforløp for dei vanlegaste psykiske plagene hos barn og unge. Forløpa fungerer som eit kart over tenestene og skal gi brukarar og fagpersonar betre oversikt over ansvarsområde og roller.

Dei sju samhandlingsforløpa

Alle har ei psykisk helse

Barn og unges helseteneste har laga video om psykisk helse. Her er det mange som deler sine eigne erfaringar. Ta ein kik. 

I 2021 starta Helse Møre og Romsdal samarbeidsprosjektet Barn og unges helseteneste i Møre og Romsdal, etter modell frå Helse Fonna. Det er eit samarbeid mellom alle kommunar og Psykisk helsevern for barn og unge i helse Møre og Romsdal.

Satsinga går ut på å implementere 7 samhandlingsforløp rundt dei vanlegste psykisk helseutfordringane hos barn og unge. Møre og Romsdal har teke utgangspunkt i forløpa frå Helse Fonna, men har no arbeidd seg gjennom forløpa og har laga sine eige forløp som vart ferdig januar 2024.

Målsetjinga er å sikre samanhengande tenester mellom kommunar og spesialisthelsetenesta for barn og unge med psykiske lidingar i Møre og Romsdal, og gi barn og unge med psykiske vanskar «rett hjelp – på rett stad – til rett tid».

Forløpa er først og fremst laga for at fagfolk skal gi barn og ungdom eit samanhengande hjelpetilbod, men du finn også informasjon for barn, ungdom og føresette om kor ein kan få hjelp.

I prosessen har vi mellom anna hatt arbeidssamlingar, leiarsamlingar og nettverksmøte for å få innspel i satsinga. I tillegg til forløpa har vi starta med dialogbaserte inntaksmøte, felles møte mellom kommunar og BUP for å drøfte saker kring brukarar kor ein er usikker i kva teneste dei skal få hjelp i. Desse er positivt evaluert og skal breddase vidare til andre kommunar. Kompetansehevande webinar har også vore arrangert som vi held fram med. Satsinga blir implementert vidare i åra framover.

Les meir om barn og unges helseteneste

Barn og unges helseteneste from Helse Vest RHF on Vimeo.

​​

I Barn og unges helseteneste i Møre og Romsdal arbeider vi for betre samhandling mellom 1. og 2. linjetenesta og at barn og unge skal få tidlegast mogleg hjelp.

Fastlegen har ei viktig rolle og skal kartlegge psykisk og fysisk helse gjennom direkte undersøking av barnet/ungdomen og samtaler med foreldre/pårørande og gjere ei sjølvstendig vurdering med skildring av problematikken og bekymringane som grunnlag for vidare tilvising til BUP.

Her er lenke til nasjonalt pasientforløp Psykiske lidelser – barn og unge - Helsedirektoratet som inneheld tilvisingsinformasjon og prioriteringveileder.

  • Ved behov for utgreiing eller behandling i BUP skal vanskane til barnet/ungdomen bli kartlagd i kommunale tenester før tilvising. Ved behov for akutthjelp skal barnet tilvisast direkte til det akutte tilbodet ved psykisk helsevern. 
  • Når det gjeld barn og unge med lette til moderate psykiske vanskar skal ein først gi hjelp i kommunen
  • Spør foreldre/ungdomen om kven dei har vore i kontakt med tidlegare.
  • Oppsummeringar frå andre instansar (barnehage, skule, helsesjukepleiar, 
    barnevernteneste, PPT, psykisk helseteneste) sendast samtidig som vedlegg til tilvisinga.Legg ved kontaktinformasjon. Ein kan óg be føresette/ungdomar om å ta med skriv frå andre instansar.
  • Dersom ei vurdering allereie er gjort av andre instansar i kommunen, må fastlegen likevel gjere ei somatisk vurdering før tilvising til BUP. Dette gjeld; somatisk historie/ tidlegare sjukdomar. Somatisk status (syn, høyrsel, språk, motorikk, tannhelse, ernæringsstatus/høgde og vekt, legemidlar i bruk, blodprøvar. EKG på indikasjon (vektnedgang/spiseforstyrring). Helsestasjonen gjer ei somatisk vurdering som regel ved 0-2 år og ved skulestart.
  • Som hovudregel skal begge foreldre samtykke til tilvising dersom barnet/ungdomen er under 16 år, sjå Pasient- og brukerrettighetsloven §4-4.
  • Tilvisar opplysar om foreldreansvar, ev. legg ved eit skriv/avtale.
  • Det blir tilrådd at barnet/ungdomen eller foreldre/pårørande sjølv legg ved ei skildring av problemet og hjelpebehov.

 

Akuttvurdering 

BUP

Ved behov for akuttvurdering, til dømes vurdering av suicidalitet: ring akuttelefon på BUP. Ope kvardager kl 08.00-1530. Etter kl 15.30, ring legevakt, tlf. 116117.

Ålesund tlf. 95 20 91 14
Molde tlf. 46 81 53 80
Kristiansund tlf. 95 22 82 85
Volda tlf. 95 12 06 36

Døgnseksjon

Ved behov for innlegging kontakt Døgnsseksjon psykisk helsevern for barn og unge, (UPD), tlf. 70 10 67 00

Arrangement

Her finn du informasjon om komande arrangement og samlingar knytt til barn og unges helseteneste. Du vil også finne presentasjonar eller videoar frå gjennomførte arrangement.
Les meir om kva som skjer i barn og unges helseteneste
Personar på workshop
Sist oppdatert 11.03.2025