Vi tilrår at du alltid nyttar siste versjon av nettlesaren din.
13 tilsette i kvitt arbeidstøy står smilande oppstilt for bilde.

Dagkirurgi SNR Hjelset

Vi tar imot og førebur deg som skal til operasjon eller undersøking, overvåkar og tar vare på deg etter operasjonen fram til du er klar til å reise heim. Vi behandlar pasientar innan plastisk kirurgi, urologi, gastrokirurgi, gynekologi, ortopedi, tann/kjeve, øyre/nase/hals, auge og generell kirurgi. Også dei som treng infusjonar, røntgenundersøkingar og andre undersøkingar/behandlingar i narkose, kjem hit.  Operatøren har ansvar for deg som pasient, og snakkar med deg og eventuelt undersøker deg på morgonen før operasjonen. Før du reiser heim informerer operatøren deg om behandlinga du har fått og avtalar vidare oppfølging dersom det er behov for det.

Vi er bemanna med sjukepleiarar og spesialsjukepleiarar innan intensiv og anestesi. Til saman har vi 18 overvåkingsplassar, fordelt på to overvåkingssalar og fire einerom/skjermingsrom. Vi jobbar tverrfagleg saman med anestesilegar, kirurgar/ortopedar, operasjonspersonell, sekretærar og andre personar som er involverte for at du som pasient skal få ei best mogleg behandling.
 
Vi er opptatt av kvalitet på tenestene våre og er heile tida i utvikling. Avdelinga tar del i det landsomfattande pasienttryggleiksarbeidet I trygge hender 24/7 og nyttar blant anna sjekkliste for trygg kirurgi herifrå. Det pågår forskning i avdelinga som skal hjelpe oss og gi grunnlag for ei god og effektiv pasientbehandling.
  
Vi har også sjukepleiestudentar som får viktig opplæring og praksis i samband med studie ved Høgskolen i Molde.
 
Hos oss blir du møtt med høg fagleg kompetanse, og målet vårt er at du heile vegen skal kjenne deg trygg og ivaretatt når du er til undersøking og behandling hos oss.
 
Velkomen!

g_6e1dd265_f115_4bf8_9ab8_4228efc9b39b


 

Kontakt

Telefon

Slik finn du fram

Oppmøtestad


Dagkirurgisk avdeling finn du i 3. etasje, Fløy C. 

Adresse

Opningstider

Dronebilde av Sjukehuset Nordmøre og Romsdal, Hjelset. Eit sjukehus ved fjorden. Arbeid med uteområdet gjenstår.

Sjukehuset Nordmøre og Romsdal Hjelset

Opdølvegen 4

6450 Hjelset

Finn fram

Narkose for barn - Følg Luka og Leona på sjukehuset

Film om Luka og Leona som skal ha narkose før dagkirurgi på Sjukehuset Nordmøre og Romsdal.
Sjå filmen her
Ei smilande jente med is og diplom i sjukehusseng etter narkose.