Akne

Akne (kviser) er ein vanleg hudsjukdom, særleg i ungdomsår. Lett til moderat akne blir behandla av fastlege, først og fremst med lokale midlar som påsmøres huda direkte, evt. med tablettkurer (antibiotika). Dette gjeld dei fleste pasientane med akne.

Innleiing

Alvorlg akne går djupare i huda og kan føre til varig arrdanning. Ved denne typen akne er tidleg tilvising til hudlege viktig sidan det kan vere aktuelt med behandling med Isotretinoin. Det er først og fremst i slike tilfelle det er aktuelt med tilvising til hudlege, og denne informasjonen omfattar derfor hovudsakleg behandling med Isotretinoin.

Tilvising og vurdering

Fastlegen sender tilvising til hudlege, vanlegvis etter at vanleg akne-behandling er utprøvd. Ved akutt og alvorleg akne vil det vere aktuelt for fastlegen å tilvise pasienten direkte til hudlege utan å sette i verk behandling først.

Utgreiing

Førebuing

Ta med oppdatert medisinliste til timen din.

Dekkande sminke må fjerast før du kjem inn til legen.

Behandling

Hudlegen vil snakke med deg og undersøke huda di nøye. Før oppstart av behandling med Isotretinoin er det nødvendig med blodprøver for å kontrollere leverprøver og feittstoff i blodet sidan dette kan påverkast av behandlinga.

Isotretinoin blir gitt som ein kur og det er vanlegvis aktuelt med 4-6 månaders behandling. I denne perioden vil det vanlegvis vere nødvendig med eit par kontrollar hos hudlegen.

Kvinnelege pasientar må i tillegg bruke sikker prevensjon i heile behandlingsperioden og dessutan i minst ein månad etter avslutta kur.

Oppfølging

Blodprøver

Alle må ta kontrollprøver med jamne mellomrom under behandlinga. Kvinnelege pasientar må i tillegg ta månadleg graviditetstest, sjå feltet "Faresignal" lengre nede på sida.

Fuktkrem

Dei aller fleste pasientane vil ha behov for fuktkrem på grunn av tørr hud under behandlinga. Hudlege kan hjelpe til med å velje ein eigna krem utan for høgt feittinnhald.

Følsom for sollys

Pasientar som blir behandla med isotretinoin er meir følsomme for sollys på grunn av tendens til tynn hud. Følg råda frå hudlegen ved val av solkremar.

Helsepersonell

Sjekkliste for utskriving - fastlege eller anna helsetjenste overtek som primærkontakt

fastlege eller anna helsetjenste overtek som primærkontakt

Faresignal

Isotretinoin har ein del sideverknader/biverknader. Det er viktig at du les pakningvedlegget nøye.

Medikamentet er fosterskadeleg og alle kvinnelege pasientar som bruker Isotretinoin må bruke p-piller i heile behandlingstida og i minst 1 månad etter at kuren er avslutta. I tillegg må kvinner ta graviditetstest i blod kvar månad under behandlinga. Etter kvar blodprøvetakning får ho ny resept for éin månads forbruk av medisin. Resepten er gyldig i 7 dagar etter negativ graviditetstest.