Behandling

Antibiotikabehandling heime

Enkelte infeksjonssjukdommar krev antibiotikabehandling i fleire veker. Ein berebar infusjonspumpe gir deg moglegheit til å fullføre antibiotikabehandling heime. Du må vere tilkopla infusjonspumpa 24 timar i døgnet.

Antibiotikabehandling

Pumpa eller antibiotikaposen må bytast ein gong for dag. Dette kan utførast av sjukepleiar på sjukehuset anten ved poliklinikk eller sengepost. Etter avtale og opplæring med kommunen din, kan også heimetenesta utføre dette. Då vil du få med deg antibiotikaposar heim. Desse oppbevarer du i kjøleskapet.

Legen din på sjukehuset vurderer når det er trygt for deg å starte opp med antibiotikabehandling heime.

Behandlinga blir primært gitt til pasientar som får antibiotikabehandling i 1-6 veker, som er klinisk stabile og utan behov for hyppig observasjon av helsepersonell etter utskriving.

Du startar opp med anitibiotikabehandling på pumpe medan du er innlagd på sjukehuset, slik at du blir vant til å handtere og gå med utstyret.

Før du kan reise heim

Før du kan reise heim med intravenøs antibiotika, får du lagt inn eit kateter i ei blodåre der antibiotikaen blir gitt. Kateteret blir lagt inn på operasjonsavdelinga, vanlegvis på overarmen med hjelp av ultralyd. Du får bedøving først. Det er vanleg å oppleve lett til moderat smerte i armen den første dagen, men du kan bruke armen som vanleg. Kateteret kan brukast i fleire veker, og sjukepleiaren vil stelle og observere det under behandlinga. Du får nødvendig utstyr med deg heim frå sjukehuset ved utskrivinga.

Legen din på sjukehuset vurderer når det er trygt for deg å starte opp med antibiotikabehandling heime.

Behandlinga blir primært gitt til pasientar som får antibiotikabehandling i 1-6 veker, som er klinisk stabile og utan behov for hyppig observasjon av helsepersonell etter utskriving.

Du startar opp med anitibiotikabehandling på pumpe medan du er innlagd på sjukehuset, slik at du blir vant til å handtere og gå med utstyret.

Før du kan reise heim

Under

Du vil starte med antibiotikabehandling medan du er innlagd på sjukehuset, slik at du blir vand til å handtere og gå med utstyret.

Sjukehuset tilbyr to ulike pumper for antibiotikabehandling: CADD-VIP Solis berbar infusjonspumpe og Baxtor infusorpumpe. Kva pumpe du bruker, avheng av kva type antibiotika som blir brukt.

Ei berbar pumpe som bruker 4AA-batteri.
Pumpa er innstilt med ein tryggingskode slik at det ikkje er mogleg for deg å gjere uønskte endringar.
Før utskriving vil du få informasjon om pumpa av sjukepleiaren.
Det er ønskeleg at du eller nokon du bur med, kan følge med at pumpa fungerer normalt.
Du vil få opplæring i korleis du byter batteri og handterer enkle alarmar.
Du kan handtere pumpa sjølv ved dei fleste alarmar, men ved luftalarm og tomt reservoarvolum må du få hjelp av sjukepleiar.

Pumpa er ein eingongsartikkel og blir bytt ut kvar dag av sjukepleier.
Pumpa inneheld ingen elektronikk og treng ikkje batteri eller lading.
Infusjonsfarta er førehandsinnstilt og kan ikkje endrast. Pumpa fungera best i romtemperatur. Høg eller låg temperatur kan påverke infusjonsfarta.
Pumpa fungerer best når den er plassert på same nivå som inngangen til kateteret ditt (same nivå som albue/overarm).
Ved aktivitet bør veska plasserast over skuldra for å sikre riktig høgde.
Dersom pumpa er høgare eller lågare enn kateterkoblingen kan det påverke infusjonshastigheten.
På natta plasser pumpa på omtrent same nivå som kateteret ditt. Ikkje legg pumpa under dyna – det kan føre til at legemidlet varmast opp.
Du kan fint være aktiv så lenge du unngår at pumpa utsetjast for vatn, sterk varme eller kulde.
Ein vil sjå at ballongen inne i pumpa blir gradvis mindre ettersom medikamentmengda minkar. Når ballongen er tom må pumpa skiftes av sjukepleiar.
Ta kontakt med sykehuset dersom ballongen inne i pumpa forblir uendra i ett døgn.

Du vil starte med antibiotikabehandling medan du er innlagd på sjukehuset, slik at du blir vand til å handtere og gå med utstyret.

Sjukehuset tilbyr to ulike pumper for antibiotikabehandling: CADD-VIP Solis berbar infusjonspumpe og Baxtor infusorpumpe. Kva pumpe du bruker, avheng av kva type antibiotika som blir brukt.

Ei berbar pumpe som bruker 4AA-batteri.
Pumpa er innstilt med ein tryggingskode slik at det ikkje er mogleg for deg å gjere uønskte endringar.
Før utskriving vil du få informasjon om pumpa av sjukepleiaren.
Det er ønskeleg at du eller nokon du bur med, kan følge med at pumpa fungerer normalt.
Du vil få opplæring i korleis du byter batteri og handterer enkle alarmar.
Du kan handtere pumpa sjølv ved dei fleste alarmar, men ved luftalarm og tomt reservoarvolum må du få hjelp av sjukepleiar.

Pumpa er ein eingongsartikkel og blir bytt ut kvar dag av sjukepleier.
Pumpa inneheld ingen elektronikk og treng ikkje batteri eller lading.
Infusjonsfarta er førehandsinnstilt og kan ikkje endrast. Pumpa fungera best i romtemperatur. Høg eller låg temperatur kan påverke infusjonsfarta.
Pumpa fungerer best når den er plassert på same nivå som inngangen til kateteret ditt (same nivå som albue/overarm).
Ved aktivitet bør veska plasserast over skuldra for å sikre riktig høgde.
Dersom pumpa er høgare eller lågare enn kateterkoblingen kan det påverke infusjonshastigheten.
På natta plasser pumpa på omtrent same nivå som kateteret ditt. Ikkje legg pumpa under dyna – det kan føre til at legemidlet varmast opp.
Du kan fint være aktiv så lenge du unngår at pumpa utsetjast for vatn, sterk varme eller kulde.
Ein vil sjå at ballongen inne i pumpa blir gradvis mindre ettersom medikamentmengda minkar. Når ballongen er tom må pumpa skiftes av sjukepleiar.
Ta kontakt med sykehuset dersom ballongen inne i pumpa forblir uendra i ett døgn.

Etter

Etter utskriving blir du følgt opp med nødvendige blodprøver og polikliniske timar. Du vil ha open retur tilbake til sengeposten ved klinisk forverring, problem med pumpa eller kateteret ditt. Viss du opplever problem med pumpa eller kateteret, må du kontakte sjukehuset med ein gong!

Dagleg aktivitet

Pumpen blir oppbevart i ei skulderveske eller i eit magebelte. Ha pumpa ved sida av deg i senga eller på nattbordet. Unngå å dekke til utstyret med dynen eller puta, då dette kan føre til at legemiddelet blir for varmt. Du kan utføre vanlege aktivitetar medan du er tilkopla pumpa. Unngå at antibiotikaposen kjem i direkte kontakt med sollys og hald avstand frå peisar/omnar som kan varme opp legemiddelet.

Venekateter

Det skal alltid vere ein steril bandasje over innstikkstaden. Bandasjen skal skiftast minst ein gong i veka av sjukepleiar. Kateteret er ikkje sydd fast og blir halde på plass med eit "låseplaster". Ta kontakt med legen eller sjukepleiaren din viss:

Det er teikn til rødhet og/eller hevelse rundt staden der kateteret er lagt.
Du observerer teikn til lekkasje frå infusjonssettet eller innstikkstaden.
Du observerer at kateteret har sklidd ut.
Du får feber og frysningar. Dette kan vere teikn på ein infeksjon.
Det er vedvarande bløding.

Dusjing

Du må vere tilkopla pumpa også dersom du skal dusje. Pumpa toler kondens, men ikkje vatn. Det blir tilrådd at pumpa er utanfor dusjen. Pumpa må ikkje ligge på eit vått underlag. Vern pumpa til dømes med ein plastpose eller pakk den inn i ein handduk. Før dusjing dekker du heile kateteret med kompressar og dusjbandasje. Viss bandasjen blir fuktig, må han bytast av sjukepleiar. Legg dusjing til den dagen sjukepleiaren skal byte bandasjen rundt venekateteret ditt.

Antibiotikaposar

Antibiotikaposer eller antibiotikapumper blir produsert på sjukehusapoteket. Antibiotikaposen er haldbar i 24 timar under infusjon (romtemperatur) og fleire dagar i kjøleskapet (avhengig av type antibiotika).

Legg antibiotikaposane i kjøleskapet med ein gong du kjem heim. Oppbevar antibiotikaposane i midten av kjøleskapet (2-8 gradar). Obs, dei skal ikkje ligge i kjøleskapsdøra eller vere i kontakt med kjøleskapsveggene. Hald dei skild frå matvarer, og dei bør helst ligge på ei eiga hylle i kjøleskapet. Dersom du mottar heimesjukepleie til administrering av antibiotika må du oppbevare antibiotikaen heime i kjøleskapet.

Tomme antibiotikaposar blir leverte tilbake til avdelinga eller på apoteket (pakka inn i plastpose). Viss restavfallet ditt går til forbrenning, kan du legge antibiotikaposane i ein plastpose som blir kasta i restavfallet.

Isoporkassane blir returnerte til sjukehusapoteket eller sengeposten når det er mogleg. Sjukehusapoteket leverer fleire antibiotikaposar heim til deg og tek kontakt med deg ved behov.

Nødvendig utstyr

Viss du manglar utstyr, ta kontakt med sjukehusapoteket. Utstyret kan berre hentast ut på sjukehusapoteket. Utstyret kan hentast eller leverast heim til deg ved behov.

Sensor

I samband med antibiotikabehandling heime testar sjukehuset ut ny sensorteknologi frå Biobeat for å måle blodtrykk, hjartefrekvens, temperatur, pustefrekvens og oksygeninnhald. Ved utskriving blir du kopla til ein brystmonitor eller klokke som vil ta målingar av deg i 5 dagar.

Utstyret tek målingar gjennom heile døgnet og gir nyttig og raskare informasjon om helsestatusen din. Målingane er ikkje meinte for å oppdage akutt forverring. Dette er ikkje ei løysing for akutthjelp. Kontakt legevakt eller ring 113 viss det hastar.

Skru på Bluetooth. Du må vere tilkopla Wi-fi eller mobildata for å registrere data.
Telefonen må vere i nærleiken av brystmonitoren (ca. 5-6 meter).
Last ned appen "Hospital at Home Chest monitor". Appen er gratis.
Søk opp serienummeret på brystmonitoren i appen.
Batteriet varer i ca. 5 dagar (med måling kvart 15. minutt). Blir kasta i avfall for batteri.
Du vil ikkje ha tilgang til eigne målingar heime.

Brystmonitoren består av to delar: sensorkapsel og patch til å plassere sensoren.
Skru på sensorkapselen før bruk.
Fjern hår før plassering av patch. Sveitte kan føre til dårleg signal, byt patch ved behov eller etter dusj.
Sensoren toler ikkje vatn og må takast av ved dusjing. Byt patch etter dusj.
Plasser sensoren under venstre kragebein, ca. 1 finger frå brystbeinet.
Den blå streken på brystmonitoren og patchen skal peike oppover.
Klips brystmonitoren inn på alle 4 sider.