Atopisk eksem blir kjenneteikna av tørr hud og kløe. Det finst ingen testar for å stille diagnosen, men utbreiinga til utslettet og plagene til pasienten hjelper legen til å stille diagnosen. Kløe er oftast det største problemet. Barn med atopisk eksem er ofte urolege og søv dårleg om natta. Mild atopisk eksem kan behandlast med fuktbevarande kremar og betennelsesdempande kremar og salvar, vanlegvis kortisonpreparat eller såkalla calcineurinhemmere. Allergi er ikkje årsak til atopisk eksem, allergitesting er derfor ikkje ein del av utgreiinga. I enkelte tilfelle kan allergi forverra utslettet, legen avgjer om det er grunnlag for vidare utgreiing.

Milde formar for atopisk eksem kan behandlast av fastlegen. Ved meir utbreidde plager, eller der behandlinga ikkje har tilfredsstillande effekt, kan fastlegen tilvise pasienten til hudlege. Ventetida hos hudlege avheng av kor alvorleg tilstanden er. Barn og vaksne med utbreidd eksem og søvnforstyrrande plager kan få time innan få veker.