Behandling
Høyreapparattilpassing
Eit høyreapparat er eit teknisk hjelpemiddel som kan hjelpe deg å høyre betre. Høyreapparatet kan ikke erstatte normal høyrsel, men om det er godt tilpassa kan det gje ein bedre kvardag.Før timen har du vore til høyreapparatvurdering. Da får du informasjon om ulike høyreapparat, og saman med audiograf kan du velge kva for variant du skal få.
NAV har avtalar med ulike leverandørar av høyreapparat, og høyrselssentralen har tilgang til dei same høyreapparata som private aktørar. NAV dekkjer høyreapparat opp til ein viss sum. For enkelte apparat må ein derfor dekkje ein del sjølv. Du får informasjon om eigendel dersom det er aktuelt.
Før
Før du kjem til den første timen kan det vere lurt å tenkje over din eigen situasjon når det gjeld høyrsel.
- Er du motivert til å få høyreapparat eller anna høyrselsteknisk hjelpemiddel dersom det viser seg at du høyrer dårleg?
- I kva situasjonar kjenner du at du slit med å høyre?
- Kva forventningar har du?
Du må gjerne spørje familie eller vener om dei har lagt merke til endringar i høyrselen din.
Saman med audiografen skal du finne ut korleis høyreapparata kan bli justert for å få maksimalt utbytte av dei. Du skal også lære deg korleis du skal ta vare på de.
For å klare overgangen til å bli høyreapparatbrukar er det en fordel at du har rett motivasjon og kunnskap.
Under
Oftast vil du treffe både lege og audiograf ved ditt første møte på øyre-, nase-, halsavdelinga. Legen undersøkjer øyrene dine, og ein audiograf vil utføre ulike høyrselsmålingar. Deretter blir behovet for høyreapparat vurdert.
Tilpassing av høyreapparat
Om tilpassing av høyreapparat
Høreapparatene blir tilpassa basert på høyrselstestane. Først kan lyden verka sterk og påtrengjande. Spesielt kan eigen stemma verka framand eller ubehageleg. Nokon synest lyden er metallisk.
Det er viktig at du set ord på opplevinga du har av den nye lyden. Eventuelt ubehag kan takast bort ved å justera lyden, men det handlar i aller størst grad om tilvenning. Hjernen din treng tid til å venna seg til det nye lydbiletet.
Du kan vera ein av dei som ikkje kjenner noko slags ubehag, eller du kan trenga litt tid. Om du blir sliten av lyden frå høyreapparata kan det vera positivt, på lik linje med at ein blir sliten av annan type trening. Erfaringane dine vil fortelja deg når det er lurt å ta ein pause.
Hugs at audiografen treng tilbakemeldingar frå deg for å kunna gi deg råd og rettleiing.
Du får nødvendig informasjon om bruk og stell av apparatet. For ein førstegongsbrukar dukker det ofte opp mange spørsmål. Ta gjerne med deg nokon som kan hjelpe deg å hugse informasjonen du får dersom du ønskjer det.
Kor lang tid tar behandlinga/undersøkinga?
Kor lang tid det tar, vil variere. Ta kontakt med din behandlingsstad for informasjon om din time.
Etter
Den første tida med nytt høyreapparat
Det er viktig å bruka prøveperioden godt. Bruk høyreapparata så mykje som mogleg og i ulike situasjonar. Noter deg dei utfordringane som oppstår. Stikkord her er lydane du høyrer og samtalane du har, men også korleis det er å setja dei på. Grada av komfort og om dei gir kløe eller smerte. Merk at du ikkje skal bruka høyreapparata om dei gjer vondt.
Mange som tek i bruk høyreapparat blir overraska over kor mange lydar dei høyrer. Kvardagslydar som ein kanskje ikkje har høyrt på lenge. Slike lydar kan verka forstyrrande, spesielt når det er vanskeleg å høyra kva folk seier. Då er det viktig å vita at slike lydar er spesielt viktig å høyra for ein med svekt høyrsel. Dei bidreg til å vekkja tankar og kjensler ein utan høyreapparata vil gå glipp av. Tankar og kjensler bidreg til auka hjerneaktivitet, noko som er viktig for hjernehelsa di. Det er ein viktig del av tilvenninga å bli trygg og vann med alle lydane som er rundt oss.
Kontroll og oppfølging
Du blir følgt opp med høyreapparatkontrollar hos audiograf i utprøvingsperioden. Kor mange kontrollar du treng, er avhengig av korleis utprøvingsperioden går.
Etter tildeling av høyreapparat kan du ta direkte kontakt med høyrselssentralen om du får problemer med høyreapparatet, eller dersom du skal bestille time. Har du fått høyreapparat hos ein privat audiograf eller avtalespesialist, må du kontakte denne spesialisten for servicetime.
Nav dekkjer utgifter til nye høyreapparat kvart sjette år. Din audiograf hjelper deg med søknad og vidare prosess.
Du må sjølv forsikre høyreapparatet ditt.
Drop-in service
Molde og Krististiansund sjukehus har drop-in service heile dagen. Du fyller ut eit skjema i ekspedisjonen og leverer inn apparata dine. Vi gjennomfører service/reperasjonar og ringer/sender sms når du kan hente apparata igjen. Du får også beskjed dersom vi må videresende apparata dine for reperasjon.
Ålesund sjukehus har drop-in service for enkle reperasjonar mandag-torsdag frå kl 10.00-12.00 og 12.30-13.30. Vi har ofte stor pågang, så ein må rekne med noko ventetid.
Du betaler vanleg eigenandelstakst ved service/reperasjonar.
Merk at timebestilling er nødvendig ved justering av høyreapparat, høyrselstest eller avtrykk. Ta kontakt med oss på telefon, e-post eller i skranken.
Ver merksam
Om det oppstår problem under utprøving, ta kontakt med oss. Me vil prøva å hjelpa deg, anten med forslag til å løysa problemet, eller med ein påskunda time.
Kontakt
-
Kontakt Høyrselssentralen Ålesund
Oppmøtestad
Du finn oss i 1 etasje i høgblokka. Korridoren til høgre når du kjem frå hovudvestibylen. Følg oransje stripe på veggen, og/eller vanleg skiliting.
Ålesund sjukehus
Åsehaugen 5
Transport
Besøksparkering på tilvist stad på sjukehusområdet, sjå kart under.
- Merk at du alltid må registrere bilnummeret på parkeringsautomat eller i EasyPark-appen ved ankomst
- Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
- Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
- Appen EasyPark er også eit godt betalingalternativ
Endra parkeringsområde og stengd inngang nord (poliklinikkinngangen)
20. november 2023 stengde vi Inngang nord (poliklinikkinngangen) og la om parkeringsområda ved Ålesund sjukehus i samband med ombygging. Under får du oversikt over dei nye parkeringsområda og korleis du lettast kjem til hovudinngangen.
Stengd inngang er markert med raudt kryss. Markerte område på bildet
- Grøn markering: Parkering for pasientar/besøkande
- Gul markering: HC-parkering
- Raud markering: Parkering for blodgivarar
- Blå markering: Parkering for besøkande med spesialbevis
- Hovudinngang
Merk av- og påstiging "kyss og køyr sone" utanfor barne- og ungdomsavdelinga - Administrasjonsbygget
- Akuttmottaket
- Alderspsykiatrisk døgn
- Alderspsykiatrisk poliklinikk
- Apotek
- Audiopedagogen
- Barne- og ungdomsavdelinga
- BUP
- Dagkirurgi Aust
- Habiliteringsbygget
- Kreftavdelinga
- Psykisk helsevern døgn
- Psykisk helsevern poliklinikk
- UPA
- Åse hotell
- Åsebøen 1
- Åsebøen 5
Besøkande ved habiliteringsbygget, pårørande til barn ved audiopedagogen og barne- og ungdomsavdelinga kan få spesialbevis ved å ta kontakt med avdelingane.
Praktisk informasjon
-
Kontakt Høyrselssentralen Molde
Oppmøtestad
Høyrsselsentralen finn du i sokkeletasjen. Lettaste tilkomst er frå hovudinngangen.
Molde sjukehus
Parkveien 84
6407 Molde
Transport
Praktisk informasjon
-
Kontakt Høyrselssentralen Kristiansund
Oppmøtestad
Høyrselsentralen finn du i plan -1, ved ØNH-poliklinikk, i enden av koridoren forbi gynekologisk poliklinikk.
I normalsituasjon er lettaste tilkomst frå inngang E i gata Sykehusbakken.
Kristiansund sjukehus
Herman Døhlens vei 1
6508 Kristiansund
Transport
Besøksparkering på tilvist stad på sjukehusområdet.- Kjøp billett på parkeringsautomat eller i mobillapp (EasyPark eller Kristiansund parkering) ved ankomst
- Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
- Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
- Appene EasyPark og Kristiansund parkering er også gode betalingalternativ
Grøn markering: parkering for besøkande. Oransje markering: HC-parkering. Raud markering: For blodgivarar. Lilla markering: ladestasjon f Praktisk informasjon
Kurs
- Dato kjem