Effekten av bedøvinga varer i ein–to timar. Etter inngrepet kan såret vere ømt. Skulle du ha behov for smertestillande, er Paracetamol anbefalt. Unngå acetylsalicylsyre (for eksempel Albyl- E) fordi dette kan auke faren for bløding i såret.
Plasteret du fekk hos oss, kan sitte på til stinga blir fjerna. Ved bløding, kan det bli skifta tidlegare. Skulle plasteret bli blautt, anbefaler vi at det blir skifta.
Unngå hard fysisk aktivitet som fører til slag mot såret eller strekk i huda dei første to vekene. Når stinga er fjerna, kan det med fordel bli brukt eit uelastisk plaster (for eksempel Micropore) i ein–tre månader. Dette vil stabilisere huda slik at arret blir finare.
Alle kirurgiske inngrep vil etterlate arr i huda. Råda ovanfor vil hjelpe deg til å få eit finast mogleg resultat.