Lungesjukdomar hos barn og unge, Ålesund

Behandlingsprogram, Poliklinikk barn og ungdom Ålesund

Vi gjennomfører ein eller fleire testar for å finne ut kva type luftvegssjukdom/-plage du har. Slik kan vi finne ut kva for behandling som kan vere best å bruke.

1. Utgreiing

I utgreiinga må du ta ulike testar for å finne ut kva type lungesjukdom/-plager du har og kva for behandling som då er best for deg.

Dei tre øvste utgreiingane vi har skildra her er testar som alle må ta. Mens enkelte også må ta nokre tilleggsutgreiingar.

Les meir om Spirometri
Les meir om FeNO-test, Ålesund

FeNO-test, Ålesund

FeNO test er ein pustetest som måler nivået av karbonmonoksid (NO) i utpust. NO gir eit uttrykk for grad av (astmatisk) betennelse i luftvegane.

  1. Før

    Du må ikkje ete mat dei 2 siste timane før oppmøte. Ungdom som røyker må ikkje røyke dei siste 12 timane før test.

    Testen er uaktuell  å gjennomføre dersom du har, eller nyleg har hatt, luftvegsinfeksjon som lungebetennelse eller bronkitt.

  2. Under

    Du skal blåse med eit jamt lufttrykk inn i eit røyr med litt motstand i 6-10 sekund. Du får hjelp frå apparatet og lege/sjukepleiar til å halde rett «trykk» på utpusten.

  3. Etter

    Svaret kjem omgåande etter gjennomført test og vil vanlegvis bli formidla i samband med legetime same dag.

Gå til FeNO-test, Ålesund

Les meir om Blodprøve

Røntgen lunger (thorax)

EIA-test

Metakolintest for barn og unge, Ålesund

Slimanalyse hos barn og ungdom, Ålesund

Sveittetest, Ålesund


 

2. Behandling

Avhengig av kva for sjukdom som blir påvist vil vi lage eit behandlingsopplegg som er tilpassa diagnose/problematikk og alder. Målet med all behandling er at barnet skal oppleve minst mogleg symptom (dag og natt) , færrest mogleg forverringar og best mogleg funksjon i dagleg aktivitet – på ein lågast mogleg dose medisin.

Astma

Astma er den vanlegaste kroniske lungesjukdommen hos barn og unge. Behandling av dette er basert på bruk av førebyggjande medisin og anfallsmedisin.

  • Førebyggjande medisin  blir som regel teke som inhalasjon (pustemedisin) kvar morgon og kveld over ein lengre periode. Desse inneheld typisk kortison, eventuelt også langtidsverkande luftrørsutvidar (kombinasjonspreparat) . Det finnast fleire ulike typar førebyggande inhalasjonsmedisin. Førebyggande medisin kan også vere i tabelett-/pulverform ein gong dagleg, vanlegast då er Montelukast. Det kan ta fleire veker før barnet merker om denne type medisin har effekt.
  • Anfallsmedisin er inhalasjonsmedisin (oftast blå farge) som blir gitt ved anfall med pustevanskar eller mykje hoste og som førebyggande før planlagt påkjenning. Barnet kan ta denne medisinen når som helst på døgnet og ein kan rekne med effekt i løpet av nokre minutt. Kan takast mange gongar dagleg. Doseringa blir bestemt av legen, men ved tunge anfall/mykje vanskar er det ofte nødvendig med høg og gjentatte dosar. Kontakt lege dersom medisinen ikke har effekt eller berre har kortvarig effekt. 

Behovet for medisin vil ofte variere i løpet av året og med alderen. Målet er god kontroll på symptoma. Legen vil oftast sette opp ein skriftleg behandlingsplan for behandling av astma. Rett inhalator i forhold til alder og riktig bruk av denne er viktig. For meir informasjon, sjå for eksempel www.naaf.no/no/astma/

Fleire avdelingar tilbyr astmaskule til foreldre til barn/unge med astma. God informasjon og opplæring av pasient og pårørande er viktig for å oppnå god meistring av sjukdommen.

Andre lungesjukdommar

Det finst fleire andre lungesjukdommar og behandlinga vert tilpassa diagnose/tilstand. Aktuell behandling kan vere inhalasjonar, slimmobilisering, fysioterapi, trening, antibiotika osv.

3. Oppfølging

Astma

Når diagnosen er stilt hos større barn kan oftast fastlegen følge opp dette med vurdering av symptom og  medisinering og kontroll av lungefunksjon. Vi tilrår minst årleg kontroll hos barn og unge som står på faste medisinar. Behandlingsskjema og type inhalator må revurderast regelmessig og tilpassast symptombilde og alder.  Det er behov for hyppigare oppfølging ved dårleg symptomkontroll og/eller høgdosert behandling, eventuelt kan dette då gjerast hos spesialist/poliklinikk. Hos små barn vil det ofte bli lagt opp til kontroll hos spesialist for avklaring av effekt med medisinar og behov for vidare medisinering. Avhengig av symptom og alder vil det ofte bli avtalt kontroll kvar 3.- 6. månad. Eventuelt kan opplegget for oppfølging bli delt mellom spesialist og fastlege.

Andre diagnosar

Nokre kroniske og alvorlege tilstandar blir følgt opp hos spesialist regelmessig over mange år, medan andre tilstandar kan avklarast og følgast opp hos fastlege. Dette er avhengig av situasjonen til kvar enkelt.

fastlege eller anna helsetjenste overtek som primærkontakt

Kontakt

Poliklinikk barn og ungdom Ålesund
Telefon
70167550
Måndag - fredag kl 08:00 - 16:00
Postadresse
Helse Møre og Romsdal HF
Postboks 1600
6026 Ålesund
Ålesund sjukehus
Besøksadresse
Åsehaugen 5(Google maps)
Telefon
70105000
Medisinsk nødtelefon 1 1 3

Praktisk informasjon

​Endre/avbestille time

Må du avbestille eller endre time, så ber vi deg ta kontakt med vår ekspedisjon - på telefon. Det er viktig at ringer så snart som råd og seinast innan 24 timar før avtalt time. Unytta timar som ikkje blir varsla vil bli fakturt. Ekspedisjonstida er frå måndag til fredag, kl 08.00 – 15.30.

Barn som pårørande

​Barn og unge blir påverka når nokon i familen blir sjuke. Dei treng å forstå kva som skjer. Vi på sjukehuset skal bidra til at barn og ungdom blir tatt godt vare på i slike situasjonar. 

Les om kva vi gjer for barn og ungdom som er pårørande

Internett/Wifi

Pasientar og besøkande kan bruke gratis trådlaust internett i deler av sjukehuset, men diverre ikkje i alle avdelingar/etasjar enno. Utbygging av dekninga pågår. Sjå etter GjestenettHMN på mobil eller datamaskin.

 

Passord på SMS
Når du opnar nettlesaren får du opp ei side der du kan bestille gratis passord for å logge deg på nettet. Dette passordet varer ei veke. Du blir bedt om å legge inn mobilnummeret ditt, og får då tilsendt eit passord på SMS.  

 

 


Kart og parkering

​​Besøksparkering på tilvist stad på sjukehusområdet. Betaling pr. time kontant eller bankkort.

Kart over sjukehusområdet, inkludert informasjon om parkering.

Biletet er klikkbart og gir større versjon (pdf).

 

Pasienthotellet

​​​Næraste alternativ for pasientar og pårørande som treng overnatting er pasienthotellet på Åse.

Åse hotell


Presteteneste

Treng du nokon å snakke med? ​
Prestetenesta er tilgjengeleg for å lytte til deg, om du berre vil slå av ein prat eller dele ting du tenker på.

Prestetenesta si viktigaste oppgåve er samtalar med pasientar og pårørande. Dei tilbyr også undervising, rettleiing, og samtalegrupper, både for pasientar og tilsette.

Presten og diakonen er her for alle, og kan formidle kontakt med andre trussamfunn, religionar eller livssynsorganisasjonar.

Kontaktinformasjon og meir om prestetenesta

Reise og tilkomst

Pasientreiser er reiser til og frå offentleg godkjent behandling. Sjukehuset har ansvaret for pasientreiser og dekker rimelegaste reisemåte for pasienten. Meir informasjon om pasientreiser finn du på helsenorge.no

Buss

Fram Ekspress og alle andre bussar går innom busslomma ved sjukehuset i Volda og i Ålesund. Unntak: Flybussen i Ålesund stoppar berre ved busslomme oppe ved hovudvegen. I Molde og Kristiansund går ikkje Fram Ekspress til sjukehusa, men korresponderer med bybuss i begge byane.

Fly
Molde lufthavn, Årø ligg om lag 7 km frå Molde sjukehus.

Kristiansund lufthavn, Kverberget ligg om lag 8 km frå Kristiansund sjukehus.

Ørsta-Volda lufthamn, Hovden ligg om lag 8 km frå Volda sjukehus

Ålesund lufthavn, Vigra ligg om lag 23 km frå Ålesund sjukehus. 
 

Servicetorget

​Du finn oss i hovudvestibylen. Ta kontakt med oss om du treng vegskildring til avdelinga du skal besøke, om du har behov for å betale poliklinikk-timen din kontant, hjelp til å bestille drosje, eller andre serviceoppgåver.

Opningstid

07.30–15.30

Sjukehusapoteket i Ålesund

​Apoteket ligg på nordsida av sjukehuset, nær inngangen til poliklinikkane.

Opningstider og kontaktinformasjon finn du på sjukehusapoteket sine sider

 

Spisestader

Kantina

Kantina finn du i 1. etasje, og den er open for pasientar, pårørande og tilsette. 

Opningstider:

  • Måndag til fredag: kl 09.00 - 15.00
  • Helg og høgtid: stengt
Kafe Nord
Kafe ved poliklinikk-inngangen på nordsida av sjukehuset.

Opningstider:
  • Måndag til fredag: 09.00 - 15.00
  • Helg og høgtid: stengt

Kiosk Syd
Kiosk med grillmeny. Du finn den ved hovudvestibylen. 

Opningstider:
  • Måndag til fredag: 09.00 - 18.00
  • Laurdag: 11.00 - 17.00
  • Søndag: 10.00 - 18.00



Ta bilde?

​Mange pasientar og pårørande ønsker å ta bilde eller video som eit minne frå tida på sjukehuset. Det kan du gjere så lenge det er deg sjølv, pårørande eller vener som blir avbilda.

Det ikkje er lov å ta bilde av medpasientar eller tilsette uten at dei har sagt at det er greit.

Vi håper alle viser respekt for personvernet under besøket på sjukehuset.

Fann du det du leita etter?
Tilbakemeldinga vil ikkje bli svart på. Ikkje send personleg informasjon, for eksempel epost, telefonnummer eller personnummer.