Mammografi

Ventetider

Ventetider på Velg behandlingssted (Helsenorge)

Innleiing

Tilvising og vurdering

Det er fastlegen din som tilviser til mammografi og klinisk undersøking hos kirurg.

Kvinner i alderen 50 - 69 år blir i tillegg automatisk invitert til mammografiscreening i regi av Mammografiprogrammet kvart andre år. Hensikta her er å oppdage brystkreft i eit tidleg stadium.

Mammografiprogrammet

Du kan reservere deg frå å få invitasjonar til Mammografiprogrammet ved å senda ein e-post til mammografi@kreftregisteret.no, eller ved å fylle ut og sende eit reservasjonskjema per post til Kreftregisteret. Du kan også ringe Kreftregisteret på telefon 22 45 13 00 .

Ved bruk av e-post, ikkje send sensitive personopplysningar som sjukdom, diagnose og personnummer.

Helsepersonell

Sjekkliste for tilvisning - Fastlege eller anna helseteneste som tilviser til utgreiing

Helsepersonell

Fastlege eller anna helseteneste som tilviser til utgreiing

Tilvising av pasienter for brystdiagnostikk.

Kontroll av pasienter som er behandlet for brystkreft.

Behov for tolk.
Dersom ein har behov for tolk må det bli oppgitt i tilvisinga saman med opplysningar om kva språk pasienten snakkar. Tolken må ikkje vere gravid.

Før

Du bør ikkje bruke deodorant, parfyme, pudder eller krem av noko slag i armhola eller på/under brysta den dagen du skal til undersøking. Dette kan påverke bileta og gjere vurderinga av bileta vanskeleg.

Ein radiograf vil stille deg nokre spørsmål før sjølve undersøkinga og sjå etter forandringar i huda på brysta som kan bli synlege på mammografibileta. Dette er informasjon som røntgenlegen bruker når han granskar bileta.

Ta kontakt med oss i ekspedisjonen når du kjem.

Funksjons- bevegelseshemma eller andre spesielle behov for tilrettelegging?

Ring oss i forkant av timen din.

Under

Sjølve røntgenundersøkinga tek berre nokre få minutt. Brystet blir plassert på ei plate, og ei øvre plate blir senka ned og legg press på brystet for å gjere røntgenbiletet skarpt og redusere stråledosen. Nokre kvinner synest dette er ubehagelig, men det varer berre nokre få sekund.

Ut i frå kva som er årsaka til at du skal til mammografi, er gjennomføringa av undersøkinga slik:

Når du er tilvist til mammografi på grunn av eit symptom frå brysta tar vi to bilete av kvart bryst, og eventuelt tilleggsbilete. Vi tar også ein ultralyd/vevsprøve viss røntgenlegen meiner det er nødvendig.
Når du er tilvist som ledd i kontroll etter gjennomgått brystkreft eller ved familiær risiko for brystkreft tar vi to bilete av kvart bryst. Vi tar også her ein ultralyd/vevsprøve viss røntgenlegen meiner det er nødvendig.
Ved undersøking etter invitasjon i Mammografiprogrammet tar vi to bilete av kvart bryst.

Etter

Du kan reise heim etter undersøkinga.
Dersom du er tilvist til mammografi blir svaret på undersøkinga sendt til tilvisande lege.

Mammografiscreening

Ca. 3% av kvinnene som kjem til mammografiscreening blir innkalla til ei etterundersøking med tilleggsbilete. Då tar ein ofte ei ultralydundersøking også. Å bli innkalla til etterundersøking betyr ikkje at ein har brystkreft. Kun ca. 20% av dei etterinnkalla har brystkreft.

Svaret på mammografiscreening blir kun sendt til deg.