Vakumbiopsi av bryst
For å kunne stille ein sikker diagnose kan det vere nødvendig å ta ei vevsprøve av noko ein har funne ved mammografi og som ikkje viser på ultralyd. Vakumbiopsi blir først og fremst nytta for å avklare årsaka til forkalkingar i brysta.
Før
Dersom du nyttar sterke blodfortynnande medikament, må du la vere å ta desse dei siste dagane før prøvetakinga.
Dette kan du avklare nærare med den kirurgen som har tilvist deg til prøvetaking.
Ved frammøte tek du kontakt med ekspedisjonen på Brystdiagnostisk Senter.
Under
Undersøkinga tar frå 30 - 60 minutt.
Under undersøkinga er du avkledd på overkroppen og sit i ein stol eller ligg på ein undersøkingsbenk. Brystet blir plassert i røntgenapparatet som ved ei mammografiundersøking og aktuelt område for prøvetaking blir lokalisert.
Huda over det aktuelle området blir reingjort med desinfeksjonsmiddel og det blir gitt lokalbedøving. Deretter blir det tatt fleire nåleprøver. Sjølve prøvetakinga er ikkje smertefull, men det kan vere ubehageleg å sitte med brystet i mammografiapparatet over lengre tid.
Dei fleste opplev at denne undersøkinga går greit, men nokre gongar kan ein oppleve å bli uvel. Dersom du har lett for å svime av er det greit at du fortel oss dette på førehand.
Etter at prøvetakinga er ferdig vil ein av oss stå og presse mot innstikkstaden ei stund for å unngå at det skal blø. Du får deretter på eit plaster som skal sitte på i 3 dagar. Dersom du har lang reiseveg/bur langt frå sjukehus legg vi av og til på ei større bandasje for å forhindre blødning.
Prøvene blir sendt vidare til avdeling for patologi ved Ålesund sjukehus, der dei blir vidarebehandla og analysert i mikroskop.
Etter
Du får sitte i ein stol og slappe av ei stund før du reiser heim.
Prøvesvaret er vanlegvis klart i løpet av 2 veker og du blir informert om svaret av den kirurgen som undersøkte deg då du var på sjukehuset.
Ver merksam
Det er vanleg å få ein blåkul etter prøvetakinga.
Dersom det oppstår ei større bløding som du ikkje klarer å stoppe sjølv ved å trykke mot plasteret, skal du ta kontakt med fastlege eller legevakt.
Det er svært sjeldan at det oppstår infeksjon i brystet etter prøvetaking, men dersom du skulle få teikn til dette så ta kontakt med fastlege eller legevakt.
Kontakt
Ålesund sjukehus
Brystdiagnostisk senter (BDS) Ålesund
Oppmøtestad
Brystdiagnostisk senter (BDS) ligg i 2. etasje. Bruk inngangen på nordsida av sjukehuset.
Ålesund sjukehus
Åsehaugen 5
Transport
Parkering
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
- Merk at du alltid må registrere bilnummeret på parkeringsautomat eller i EasyPark-appen ved ankomst.
- Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid.
- Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare.
- Appen EasyPark er også eit godt betalingalternativ.
- Besøkande med HC-kort har betalingsfritak på parkeringsplassar med HC-merking.
Stengde inngangsparti i samband med byggearbeid
Poliklinikkinngangen er stengt
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
Inngang A til psykiatribygget er stengt
9. september 2024 stengde vi inngang A ved psykiatribygget (Åsehaugen 7a). Pasientar, pårørande og andre besøkande skal bruke inngang på austsida for å kome til psykiatribygget (punkt 13 på bildet). Tilkomst via gangsti frå hovudinngangen (Åsehaugen 5d) på sjukehuset.
Grøn markering: Parkering for pasientar/besøkande
Gul markering: HC-parkering
Raud markering: Parkering for blodgivarar
Blå markering: Parkering for besøkande med spesialbevis