Ver særleg merksam på kva oppmøtestad som står i innkallingsbrevet ditt i denne perioden. Dersom det ikkje står telefonnummer i innkallingsbrevet ditt og du har behov for å nå oss, kan du ta kontakt via sentralbodet på telefon 71 12 00 00.
I løpet av april skal dei siste tilboda ved Sjukehuset Nordmøre og Romsdal Hjelset (SNR Hjelset) flytte inn med døgntilbod og akutte tenester. Etter innflyttinga på Hjelset blir Molde sjukehus stengt, mens det blir planlagt aktivitet med poliklinikk, dagbehandling og dagkirurgi ved SNR Kristiansund. Fleire seksjonar er allereie i drift på Hjelset og i oversikta under finn du meir informasjon om aktivitetane våren 2025 knytt til innflytting av dei somatiske tilboda i sjukehuset.
– Frå neste veke vil eit stort antall av fagfolka våre bli drilla i ulike akuttøvingar på SNR Hjelset. Dermed må nokre av pasientane våre pårekne noko lenger ventetid, seier klinikksjef Britt Rakvåg Roald.
Tysdag 8. oktober blei det nye psykiatri- og habiliteringsbygget på Hjelset offisielt opna. Over 120 gjestar var samla og blant dei mange noverande og tidlegare tilsette ved den psykiatriske drifta på Hjelset.