Organisasjonsutvikling
Helse Møre og Romsdal har ein kontinuerleg utvikling og omstilling av drifta og verksemda for å sikre eit best mogleg pasienttilbod innanfor dei økonomiske rammene.
Eit stort investeringsprosjekt som Sjukehuset Nordmøre og Romsdal (SNR) gir likevel eit ekstra behov for utviklingsarbeid for å tilpasse drifta til nye konsept, nye pasientforløp og arbeidsprosessar.
For å kunne hente ut forventa faglege og driftsøkonomiske effektar av SNR, pågår det parallelt med bygginga eit omfattande organisasjonsutviklingsarbeid som skal sikre at tilsette kan utvikle ferdigheiter og kompetanse til å ta i bruk nye areal, ny logistikk og ny teknologi på ein god og effektiv måte.
Tilsette i dei ulike klinikkane jobbar kvar dag med å levere best mogleg tenester. Derfor er det avgjerande at organisasjonsutviklingsarbeidet skjer i tett samarbeid med klinikkane slik at tilsette deltar aktivt i utviklingsarbeidet og førebuingane til innflytting i SNR.
Nye konsept og arbeidsprosessar krev organisasjonsutvikling
- Utvikle framtidsretta, trygge og driftseffektive pasientforløp med nye arbeidsprosessar
- Tilrå organisering og felles klinikkleiing i interimsfasa, samt foreslå organisasjonsstruktur i SNR
- Planlegge ny bemanning og nødvendig kompetanse
- Utvikle gevinstrealiseringsplan med tiltak, klar framdriftsplan med milepælar og ansvarleg leiar
- Sikre god overgang frå prosjekt til drift SNR
- Utvikle felles fagmiljø og organisasjonskultur for Molde og Kristiansund sjukehus
- Koordinere OU-aktivitetar i SNR mot Helseplattformen og aktuelle forbetringsprogram i HMR
- Involvere andre delar av HMR inn i aktuelle prosessar
- Sikre samhandling med kommunane om felles pasientforløp
Organisasjonsutvikling inn mot SNR
Helse Møre og Romsdal har gjennomført fleire OU-prosjekt som dannar grunnlag for det vidare arbeidet
- Plan for 8 timar effektiv drift av poliklinikk og dagbehandling
- Fleksible og attraktive arbeidstidsordningar
- Etablering av korttidspost
- Sengeområdene med fordeling av fagområde barsert på nærleiksbehov, samt endringar i arbeidsflyt og pasientforløp
- Vaktliner for legar som ser på korleis vaktordningane bør vere for legar i SNR
I 2022 pågår det arbeid knytt til følgjande OU-prosjekt
- Oppfølging av tidlegare korttidspostprosjekt for å finne egna pasientforløp, driftsform, organisering og bemanning
- Poliklinikk og dagbehandling med åtte timar effektiv drift der ein ser på fordeling av aktivitet og planlegg romutnytting, saman med bemanningsmoglegheiter
- Merkantilprosjektet
