Fagbiblioteket i HMR
Fagbiblioteket er eit medisinsk bibliotek tilgjengeleg for alle tilsette i helseføretaket, og skal støtte opp om vidareutdanning, forsking og kompetanseheving. Tenestene du får ved Fagbiblioteket er gratis.
Hos Fagbiblioteket i Helse Møre og Romsdal kan du få hjelp til å låne bøker og få tilgang til fulltekstartiklar. Bibliotekar Eva M. N. Lundanes rettleier deg gjerne i litteratur- og artikkelsøk, gir hjelp til litteratursøking ved utarbeiding av fagprosedyrer, gir støtte og rettleiing i referansearbeid og EndNote eller andre elektroniske ressursar via skype.
Dei tilsette i Fagbiblioteket kan kjøpe inn og etablere abonnement på tidsskrift, enten i papirformat, men mest ved elektronisk tilgang.
HMR har avtale om tilgong til ClinicalKey frå Elsevier.
Fagbibliotekar held kurs i litteratursøking og i EndNote, og informerer ved besøk på avdelingar og seksjonar. Bibliotekar registrerer og kontrollerer publikasjonar til NVI-rapportering i Cristin-databasen, og registrerer og administrerer forskarprofilar i Cristin.
Spørsmål?
Ta kontakt på: bibliotek@helse-mr.no eller tlf 70 10 68 58