Disputasar, forskingsnyheiter
Disputas: Morten Eikrem
Morten Eikrem, seksjonsoverlege ortopediske legar Ålesund, heldt prøveforelesing og forsvarte avhandlinga si for graden ph.d. ved Ullevål sjukehus 16. januar. Eikrem har vore ph.d.-kandidat ved Institutt for klinisk medisin ved det Medisinske fakultet, Universitetet i Oslo.
Vi gratulerer Morten Eikrem med vel overstått disputas og oppnådd doktorgrad.
Disputasen hadde tittelen: “Distal Radius Fractures: New Surgical Treatment and Patient Injury Compensation”.
Kandidaten sin hovudrettleiar har vore Wender Figved, professor II ved UiO.
Følgjande komité har vurdert det involverte arbeidet:
- Maria Wilcke, Associate Professor, Karolinska Institutet, Sverige
- Yngve Krukhaug, førsteamanunesis, Universitetet i Bergen
- Per-Henrik Randsbog, professor II, Universitet i Oslo
Progam
Kl. 10.15 Prøveforelesing i Auditoriet i Kreftsenteret (bygg 11), Ullevål sjukehus
Tema: “Overtreatment in orthopaedic surgery. How to reduce Low Value Care”
Kl. 13.15 Disputas i Auditoriet i Kreftsenteret (bygg 11), Ullevål sjukehus
Tittel: “Distal Radius Fractures: New Surgical Treatment and Patient Injury Compensation”
Om avhandlinga
Nye løysingar for brot i handleddet
Avhandlinga dokumenterer ein betydeleg nedgang i talet på godkjende erstatningskrav etter behandling av handleddsbrot, parallelt med ei aukande bruk av moderne kirurgiske metodar. Ho stadfestar òg at plater med ny teknologi for bruk på oversida av handleddet kan vere eit trygt og effektivt alternativ for enkelte pasientgrupper. Resultata understrekar potensialet for vidare utvikling av plate-design til bruk på oversida av handleddet, slik den teknologiske utviklinga har forbetra platene for bruk på undersida av handleddet.
Behandlinga av handleddsbrot har gjennomgått store endringar dei siste 20 åra. Moderne kirurgiske metodar, spesielt nye typar plater festa på undersida av handleddet, har nesten erstatta eldre teknikkar som bruk av pinnar, eksterne rammer og plater på oversida av handleddet. Desse platene gir gode resultat hos mange pasientar, men meir omfattande kirurgi på undersida av handleddet har skapt bekymring for behandlingsrelaterte skadar.
I avhandlinga Distal Radius Fractures: New Surgical Treatment and Patient Injury Compensation samanliknar Morten Eikrem og medarbeidarar to ulike operasjonsmetodar: plater på undersida og oversida av handleddet, begge basert på moderne plate-teknologi. Etter eitt år var resultata like gode, noko som gir legane fleire trygge alternativ å velje mellom.
Studien undersøkte òg ein muskel i underarmen, pronator quadratus, som må løysast ved operasjonar på undersida av handleddet. Sjølv om muskelen var skada før operasjon, påverka det ikkje pasientane si oppleving av betring i særleg grad.
Forskarane analyserte pasientklager i Norsk Pasientskadeerstatning relatert til behandling av handleddsbrot i Noreg frå 2009 til 2018. Talet på klager som fekk medhald sank betydeleg i perioden, samtidig som bruken av plater ved operasjonar auka frå 53 % i 2009 til 94 % i 2018. Klager som fekk medhald og dermed erstatning var sjeldnare ved ikkje-kirurgisk behandling, men høgare for eldre metodar samanlikna med platemetodane.
Meir informasjon finn på på Universitetet i Oslo sine nettsider.