Habilitering barn og unge SNR har flytta inn i nye lokale på Hjelset

Besøksadresse

Opdølvegen 4, Hjelset.

Vi skal bruke inngang 2b (Opdølvegen 2b) fram til hovudinngangen til sjukehuset opnar våren 2025.

Informasjon til pasientar som skal møte i Kristiansund

Noko av drifta er framleis i Sykehusgata 2, eit eige bygg, saman med BUP, like ved Kristiansund sjukehus. Pasientar som skal møte her får eigen informasjon i innkalling til time. Innkalingsbrevet er alltid gjeldande for oppmøtestad, då vi opplev at SMS-varsel ikkje alltid er oppdatert med rett stad.

Transport og parkering

Sjølv om psykiatri- og habiliteringsbygget er ferdigstilt, er hovudsjukehuset framleis under bygging og det er mykje anleggsarbeid på sjukehusområdet. Følg skilting for parkering, då dette vil kunne endre seg undervegs i byggeperioden.

For offentleg transport, sjå FRAM sine nettsider.

Telefonnummer

Ta gjerne kontakt med oss på vårt nye telefonnummer 71 11 56 00 dersom du har spørsmål.

Sjukehuset Nordmøre og Romsdal Hjelset

Sjukehuset Nordmøre og Romsdal er det nye fellessjukehuset for innbyggarane på Nordmøre og i Romsdal. Akuttsjukehuset og psykiatri- og habiliteringsbygget ligg på Hjelset, ca 17 km aust for Molde sentrum og ca 54 km sør for Kristiansund sentrum. 8. oktober 2024 var det offisiell opning av psykiatri- og habiliteringsbygget, og frå 14. oktober starta innflyttinga for pasientar og tilsette. Heile sjukehuset skal stå klart våren 2025.