I løpet av april skal dei siste tilboda ved Sjukehuset Nordmøre og Romsdal Hjelset (SNR Hjelset) flytte inn med døgntilbod og akutte tenester. Etter innflyttinga på Hjelset blir Molde sjukehus stengt, mens det blir planlagt aktivitet med poliklinikk, dagbehandling og dagkirurgi ved SNR Kristiansund. Fleire seksjonar er allereie i drift på Hjelset og i oversikta under finn du meir informasjon om aktivitetane våren 2025 knytt til innflytting av dei somatiske tilboda i sjukehuset.
Nye telefonnummer vil også kome ved innflytting i SNR Hjelset. Slik kontaktinformasjon vil bli publisert på avdelingssidene så snart som mogleg. I mellomtida kan de alltid nå oss via sentralbordet.
Flytta sin drift frå Molde til Hjelset 3. februar og er i full drift med alle fagområde.
Laboratoriet på Hjelset analyserer prøver frå SNR Hjelset, SNR Kristiansund og frå all primærhelseteneste i Møre og Romsdal. Mikrobiologi Ålesund skal framleis analysere prøver frå inneliggande pasientar og prøver som er tatt ved polikliniske besøk ved Ålesund og Volda sjukehus.
Radiologi har sidan 11. februar tatt imot polikliniske pasientar på SNR Hjelset. Aktiviteten aukar kvar veke i tida framover.
Avdelinga går frå éin til to mammografi-labbar og får vår første 3 Tesla MR maskin i fylket. Ein 3 Tesla MR maskin er betre på mellom anna nevrologiske undersøkingar og hovudsetet for nevrologisk avdeling er på SNR Hjelset.
Klinikk for diagnostikk vil behalde og utvikle eit godt radiologisk tilbod i SNR Kristiansund med to MR-maskiner, ei CT-maskin, generell røntgen, ultralyd og beintettleiksmåling. SNR Kristiansund skal i hovudsak ha planlagd poliklinisk aktivitet, mens SNR Hjelset skal utføre undersøkingar på alle innlagde pasientar.
Starta opp i september ved SNR Hjelset og opnar prøvetakingspoliklinikk veke 12. Vi kjem framleis til å ha eit tilbod ved SNR Kristiansund som er tilpassa drifta og dei fleste pasientane som har time ved SNR Kristiansund vil få tatt blodprøver der.
Alle blodprøver frå primærhelsetenesta i Nordmøre og Romsdal blir analysert på Hjelset.
Det blir tilbod til blodgivarar både ved SNR Hjelset, SNR Kristiansund og i Molde sentrum.
Akuttmottaket ved Molde sjukehus stenger dørene 23.04.25 kl. 0500. Akuttmottaket vil vere ope fram til siste pasient har forlatt huset, men dei som kjem uventa blir sendt til SNR Hjelset ev. til legevakt/fastlege etter kl. 05.00 23.04.25.
Akuttmottaket ved Kristiansund sjukehus stenger dørene 23.04.25 kl. 0500. Akuttmottaket vil vere ope fram til siste pasient har forlatt huset, men dei som kjem uventa blir sendt til SNR Hjelset ev. til legevakt/fastlege etter kl. 05.00 23.04.25.
Medisinsk poliklinikk og hudpoliklinikken blir i Kristiansund som før. For hud er det inga endring. Medisinsk poliklinikk blir ganske lik, med unntak av enkelte prosedyrar. ERCP og bronkoskopi blir berre på Hjelset.
Medisinsk poliklinikk flyttar til SNR Hjelset 17.03.2025. Herunder desse fem poliklinikkane:
Medisinsk dagbehandling flyttar 19.03.2025:
Dagbehandling for pasientar i hemodialyse flyttar frå Molde sjukehus til SNR Hjelset laurdag 22.mars 2025. Pasientar som er etablerte i hemodialyse tilhøyrande Molde sjukehus og er i behov for sjukehusinnlegging i tidsrommet 21.mars til innflytting av medisinske sengepostar/døgnbehandling på SNR Hjelset onsdag 23.april 2025, skal leggast inn ved Kristiansund sjukehus. Der vil dei kunne få gjennomført hemodialysebehandling medan dei er inneliggiande.
Måndag kl 8:00-21:00
Tysdag - laurdag kl 8:00-15:00
Måndag - fredag kl 7:30-14:30.
Telefon 711 22 330.
Flyttar inn på SNR Hjelset veke 17, 23.april 2025.
5 etg.
Flyttar inn veke 17, 23.april 2025.
7 etg.
Flyttar inn veke 17, 23.april 2025.
Pasientane som er inneliggande blir flytta anten med ambulanse eller taxi.
7 etg.
Poliklinikkar og dagkirurgi flyttar inn frå onsdag til fredag i veke 13. Desse dagane er det ikkje poliklinisk aktivitet.
Poliklinikk flyttar i veke 13. Kun akutt hjel ved Molde sjukehus.
Akuttfunksjon flyttar 23. april 2025. Pasientar kan bli sendt til Ålesund sjukehus dersom det er behov for det.
Dagkirurgi flyttar 27. og 28. mars. Veke 14 er det oppstart med selekterte dagkirurgiske pasientar på Hjelset. Ingen dagkirurgisk verksemd i Molde. Det blir redusert elektiv verksemd dei første vekene, noko som kan føre til lengre ventetid for nokre typar operasjonar. Akutt hjelp blir ivareteke.
Sengeområda flyttar inn i veke 17, onsdag 23.04.2025. To sengepostar blir slått saman til påske. Det betyr også avgrensa sengekapasitet for planlagde operasjonar.
Føde/barsel flyttar inn på Hjelset onsdag 23.04.2025. Kommunehelsetenesta kan tilvise som normalt til føden. Vi kan kome til å redusere poliklinisk aktivitet i overgangsperioden.
Vi flyttar deler av nevrologisk poliklinikk frå Molde til Hjelset i veke 13. Pasientane må lese innkallingsbrevet nøye for å sjå kor dei skal møte opp.
Sjukehusapoteket ved Molde sjukehus stenger si publikumsavdeling 27. mars. Pasientar som blir utskrivne frå Molde sjukehus vil då ikkje ha sjukehusapoteket i umiddelbar nærleik for å hente ut sine reseptmedisinar.
Sjukehusapoteket i Kristiansund opprettheld drifta med opningstider måndag-fredag.
1. april kl 9:00 opnar det nye sjukehusapoteket på Hjelset.
Veke 14 og 15 startar vi opp med dagkirurgi på Hjelset. Pasientar som har fått oppsatt time på Hjelset finn informasjon om oppmøtestad i innkallingsbrevet sitt.
Frå 23. april 2025 flyttar akuttfunksjonar inn på Hjelset. Alle akutte innleggingar skal gå til Hjelset. Mindre skadar må vurderast hos legavakta, mens større skadar skal til skadepoliklinikken på Hjelset.
Kun elektiv optopediverksemd, ingen akutt hjelp, ved SNR Kristiansund.
I denne krevjande flytteprosessen håper helse Møre og Romsdal på eit særleg godt samarbeid med kommunane om dei utskrivingsklare pasientane og at vi slepp å flytte utskrivingsklare pasientar til Hjelset.
Ver særleg merksam på kva oppmøtestad som står i innkallingsbrevet ditt i denne perioden. Dersom det ikkje står telefonnummer i innkallingsbrevet ditt og du har behov for å nå oss, kan du ta kontakt via sentralbodet på telefon 71 12 00 00.
