UTDANNING OG KOMPETANSE

Første kurs i kjeveleddskirurgi og artroskopi arrangert i Helse Møre og Romsdal

Den 5. og 6. september 2024 arrangerte Helse Møre og Romsdal sitt aller første kurs i kjeveleddsartroskopi og kirurgi, eit etterlenga tilbod for tannlegar og spesialistar innan oralkirurgi og maksillofacial kirurgi. Kurset vart halde i Ålesund, og deltakarane fekk ei grundig innføring i alt frå kjeveleddsanatomi til avanserte kirurgiske teknikkar.

Publisert 11.09.2024

Sist oppdatert 25.09.2024

En gruppe mennesker som sitter ved bord — Gjennom to dager med førelesingar og praktiske demonstrasjonar fekk deltakarane innsikt i kirurgiske prosedyrer og smertebehandling for pasientar med både ledd- og muskelsmerter i kjeveområdet

Kurset samla spesialistar og kandidatstudentar frå heile landet, med mål om å styrke kunnskapen om behandling av pasientar med kjeveleddsproblem – ei pasientgruppe som veks i omfang. Gjennom to dagar med førelesingar og praktiske øvingar fekk deltakarane innsikt i kirurgiske prosedyrer og smertebehandling for pasientar med både ledd- og muskelsmerter i kjeveområdet.

-Ålesund sjukehus behandlar kvar veke 6-7 pasienter med kjeveproblem. Kvart år vert det utført mellom 40 og 50 kjeveleddsartrocentese og lavage, ei prosedyre kor væske vert skylt gjennom kjeveleddet for å lindre smerter og forbetre rørsla. I tillegg vert det gjennomført 2-4 åpne kjeveleddsoperasjoner årleg, forklarar fagleg ansvarleg for kurset Lado Lako Loro. Loro er overtannlege, spesialist i oral kirurgi og oral medisin, dr. odont.

Et par menn som smiler — – Dette er eit viktig fagfelt, og vi er glade for å kunne tilby dette kurset for første gong i HMR. Behovet for spesialkompetanse innan kjeveleddskirurgi er stort, seier kursleiar Lado Lako Loro, oralkirurg ved Ålesund sykehus. Her saman med professor emeritus Tore Bjørnland (t.v)

Blant føredragshaldarane var også Tore Bjørnland, professor emeritus ved Universitetet i Oslo, og Nils Petter Fossland, maxillofacial kirurg frå St. Olavs Hospital.

-På kurset nyttar vi dei nyaste standardane og teknologiske metodane i kirurgiske prosedyrer, forklarar Bjørnland.

Fossland forklarar at maxillofacial kirurgi inneber kirurgisk behandling av sjukdomar, skader og deformiteter i ansikt, kjeve og munn, og at kurset fokuserte på dei nyaste teknikkane innan dette feltet.

-Dette kurset er eit verdfullt initiativ for å forbetre kompetansen på behandling av pasientar med kjeveleddsproblemer, seier Fossland.

En person som står i et rom med andre mennesker — Nils Petter Fossland, er avdelingsleiar maxillofacial kirurg frå St. Olavs Hospital. Han underviste i artroskopi på kurset.

Deltakarane var svært nøgde med kurset.

– Dette er eit svært viktig tilbod som dekker eit fagområde vi verkeleg treng meir kompetanse på, seier Håvard Hynne og Trond Olsen, begge spesialistkandidatar frå Universitetet i Oslo. Vi opplever at vi får ei djupare innsikt og oppfrisking innan mellom anna kjeveleddsinjeksjonar og kjeveleddsoperasjonar.

Menn som står i et rom — Kursdeltakarane Håvard Hynne og Trond Bjørvik Osen var svært nøgde med kurset og likte godt at det var ein god miks mellom teori og praksis.

I tillegg til fagleg oppdatering innan kirurgiske teknikkar var det og ei førelesning om smertelindring av seksjonsoverlege Tove Heger . -Vi har som mål å gjenta kurset regelmessig, ettersom behovet for denne typen spesialkompetanse berre aukar, avsluttar Loro.