Hugs hudsjekktimen

I dag, 11.mai, arrangerast den årlege hudsjekkdagen kor formålet er å forebygge hudkreft ved å informere om solbeskyttelse og oppdage hudkreft tidleg.
 

– Alle føflekktimane vi la ut blei bestilt i løpet av kort tid. Vi er glade folk følgjer  med og er engasjerte i helsa si, seier hudlege Therese Abusland ved Ålesund sjukehus.

Noreg ligg i verdstoppen i førekomst av føflekkreft og talet aukar stadig. Under hudsjekkdagen i fjor blei det oppdaga 68 tilfeller av hudkreft. 11 av dem var føflekkreft.

Bestill time hos fastlege

Dei som ikke har fått time i samband med kampanjen og som ønskjer å få føflekker sjekka, må ta kontakt med sin fastlege for time.

Kva kan du sjølv gjere?

Gjer det til ein vane å sjekke huda di jamleg. Ikkje alle mistenkelege flekkar er like synlege.

Sjå etter ein føflekk som:

  • Endrar storleik, farge og/eller form
  • Er annleis enn dei andre
  • Er asymmetrisk
  • Er fleirfarga
  • Blør, klør eller væskar


Aksjonen "Hudsjekkdagen" er eit samarbeid mellom hudlegar mange stader i landet og Kreftforeningen.

Les meir om kampanjen:

http://www.euromelanoma.org/norway

https://kreftforeningen.no/