Halverte akuttinnleggingar i psykiatrien
Torsdag ble seksjonsleiar Jo Volle heidra med den gjeve leiarprisen i pasientsikkerheit av helseminister Bent Høie.
Volle, som held til i Ålesund, fekk prisen for sitt arbeid med bruk av ambulante tenester i psykiatrien.
– Det handlar fyrst og fremst om at vi har klart å få til ei dreiing frå bruk av institusjon til bruk av heimetenester i spesialisthelsetjenesten. Så i staden for å legge inn folk, behandlar vi dei heime. Med det har vi klart å redusere talet på innleggingar, noko som har vore ein varig effekt, seier Volle som har jobba 16 år i helseføretaket.
– Stolt og glad
Volle og gjengen hans har no drøyt sju års fartstid med bruk av ambulante tenester i akuttpsykiatrien.
Og resultatet er at ein har halvert talet på akuttinnleggingar i Ålesund.
– Det gjer meg stolt og glad at arbeidet vårt med pasienttryggleik innan psykiatrien får nasjonal merksemd. Her lukkast ein med å gi god behandling samtidig som ein gjer kvardagen enklare for ei allerede sårbar pasientgruppe, seier Espen Remme, administrerande direktør i Helse Møre og Romsdal.
Prisdryss i psykiatrien
Prisen blei utdelt i anledning Helsekonferansen på Gardermoen torsdag, og Volle delte prisen med klinikksjef Martin Velland på Lovisenberg Diakonale Sykehus og Elin Haug Nygård frå Oppsalhjemmet.
Velland fekk utmerkinga for å ha klart å redusere bruken av tvangsmiddel med over 80 prosent og halde resultatet over tid.
Juryen skriv at:
Velland og Volle har imponert med å bruke fagkunnskap på ein modig og nyskapande måte. Begge prisvinnarane har arbeidd med prosjekt som handlar om temaer med komplekse årsakssamanhenger - der det er vanskeleg å måle effekt av tiltaka. Men dette er ofte verkelegheita for leiarar i helsetenesta. Ein må tørre å ta fatt i utfordringar og problem som ikkje alltid er like entydige, og der utfallet er usikkert med stort rom for tolkingar.
Juryen bestod av: Anne-Grete Skjellanger (leiar av pasientsikkerheitsprogrammet), Barthold Vonen (direktør Seksjon for klinisk dokumentasjon og evaluering), Anne-Lise Kristensen (pasient- og brukarombud i Oslo og Akershus), Geir Sverre Braut frå Helse Stavanger, Anne-Berit Schelbred (kvalitetsrådgivar i Sjukehuset Vestfold), Jon Helle (visepresident i Legeforeninga) og Janicke Stordalen (fjorårets vinnar og seksjonsleiar ved Sjukehuset Telemark).