Klar for ny hovudinngang ved Ålesund sjukehus

​Ålesund sjukehus står foran fleire større utbyggingar og ombyggingar knytt til AIO-prosjektet (akutt, intensiv og operasjon) for at sjukehuset skal kunne levere eit framtidsretta og moderne helsetilbud til befolkninga i regionen. Første steg på vegen er å etablere ein ny hovudinngang.

- Vi ser fram til å få Peab K. Nordang med på laget i dette viktige arbeidet mot å skape eit moderne sjukehus for pasientane våre, seier administrerande direktør Heidi Nilsen i Helse Møre og Romsdal.

Kontrakta som er inngått omfattar nytt inngangsparti og ny ventesone ved dagens poliklinikk inngang i nordenden av sjukehuset. I tillegg får entreprenøren opsjon på ombygging av kirurgisk poliklinikk og oppussing av korridorer.
- Vi i Peab K. Nordang sett stor pris på det gode samarbeidet vi har med Helse Møre og Romsdal og tilliten dei syner oss med tildelinga av ny kontrakt. Dei siste 3 åra har vi utført fleire utbyggingar/rehabiliteringar for helseforetaket. Vi er stolte av å få moglegheita til vere med på et så viktig og samfunnsnyttig prosjekt, seier distriktssjef Geir Rødseth i Peab K. Nordang.

I tida framover skal entreprenøren, saman med helseforetaket og Sykehusbygg, vidareutvikle forprosjektet gjennom ei kort optimaliseringsfase, deretter detaljprosjektering og bygging. Bygginga er planlagt å starte september 2023 om partane blir einige om pris og løysing.