Ny administrerande direktør i Helse Møre og Romsdal

​

- Eg gledar meg til å starte i jobben og ser fram til å møte dei dyktige fagfolka i Helse Møre og Romsdal. Eg har stor respekt for leiaroppgåva eg no har takka ja til, seier Olav Lødemel, som tiltrer i stillinga 1. november.

 

Lødemel har vore i leiinga på Voss sjukehus sidan 2006. 

I 2009 vart Lødemel assisterande direktør og frå 2018 direktør. Som direktør på Voss er Lødemel ein del av leiinga ved Haukeland Universitetssjukehus.

- Den største motivasjonsfaktoren for meg er det store samfunnsoppdraget, eg ønskjer å bidra med mi erfaring og kompetanse inn i dette arbeidet. Eg er kjent med at helseføretaket står overfor mange spanande utfordringar. Eg er oppteken  av at vi skal lukkast saman, seier Olav Lødemel.

 

​- Bruke god tid på å lytte, få breiast mulig kontakt og bli kjent med alle deler av organisasjonen. Eg ser fram til å besøke dei ulike sjukehusa og bli tidlig kjent med kommunane i fylket. Det er viktig å få eit godt samanhengande helsetilbod til innbyggarane i fylket, og då er vi avhengig av å ha god samhandling med kommunane, seier Lødemel.  

Olav Lødemel kjem frå Voss. Han er lege med spesialisering i anestesiologi. I tillegg til ulike stillingar på Voss sjukehus, har Lødemel tidligere vore fastlege i Moss, jobba på Rikshospitalet og Sykehuset Østfold. 

Under utdanninga hadde Lødemel turnustjeneste ved Volda sjukehus og i Stranda kommune. I sine ulike roller har Lødemel hatt mangeårig samarbeid med kommunal helsetjeneste. Lødemel har også gjennomført Nasjonalt topplederprogram for helseforetaka i 2017.

Styreleder Ingve Theodorsen i Helse Møre og Romsdal har leia tilsettingsutvalet, og er svært godt fornøgd med tilsettinga.

- Med Olav Lødemel får vi ein svært erfaren leiar. Eg meiner Olav har den erfaringa og dei personlege eigenskapane som trengs for å leie Helse Møre og Romsdal på ein god måte, seier Theodorsen.

 

Totalt 10 søkte på stillinga som administrerende direktør i helseføretaket. To av dei trakk sin søknad. 

* * *

Klikk her for å laste ned høgoppløseleg bilete av Lødemel.​