Heimespirometri er eit tilbod til pasientar som får oppfølging for astma ved poliklinikken. Heimespirometri blir utført ved å nytte eit spirometer kopla mot mobiltelefon og eigen app.
Ved poliklinikken tilbyr vi oppfølging med regelmessige spirometriar for pasientar med astma. Poliklinikken tilbyr heimespirometri og app-basert oppfølging. Dette gir deg som pasient høve til å vere med på å påverke korleis oppfølging av astmaen din skal skje. Du kan bli følgt opp tettare og til rett tid, men utan at du treng å møte opp til poliklinisk time kvar gong. Mykje av oppfølginga kan vi gjere over telefon eller videokonsultasjon.
Studiar viser at heimespirometri er like bra som spirometri på sjukehus, og nokre studiar viser at det kan gi betre astmakontroll, færre innleggingar og betre livskvalitet.
Du kan blåse spirometri når det måtte passe, for eksempel når du kjenner deg tett i brystet, under trening, etter bruk av luftvegsutvidande, når det er kaldt, etc.
Tilbodet passar for pasientar med astma, eller som blir utgreidd for dette. Det er eit krav at ein kan blåse teknisk gode spirometriar.
Fastlege tilviser til poliklinikken for vurdering.
Du får delt ut eit heimespirometer som du koplar til smarttelefonen din med Bluetooth. Oppkopling skjer automatisk når du har installert appen AsthmaTuner på mobilen din og startar denne.
Eininga er berre berekna til bruk for éin person. Datasikkerheita blir halden oppe gjennom at du må bruke BankID. Foreldre må logge på for yngre som ikkje har BankID.
Du finn hjelpesider hos leverandøren – Hjelp | AsthmaTuner
Du får delt ut eit heimespirometer som du koplar til smarttelefonen din med Bluetooth. Oppkopling skjer automatisk når du har installert appen AsthmaTuner på mobilen din og startar denne.
Eininga er berre berekna til bruk for éin person. Datasikkerheita blir halden oppe gjennom at du må bruke BankID. Foreldre må logge på for yngre som ikkje har BankID.
Du finn hjelpesider hos leverandøren – Hjelp | AsthmaTuner
Målingane blir utførte av ein turbinsensor som kan måle fleire viktige parametrar for astmaen din. Behandlaren din vil sette opp ein plan for når du skal utføre heimespirometri. I tillegg kan du svare på spørsmål i appen for å sjå kor godt astmaen din er kontrollert.
Du utfører heimespirometri i samsvar med avtale med behandlar og beskjedar i appen. Ut frå resultat vil det bli fanga opp forhold som kan medføre behov for kontroll.
Det er ditt ansvar å utføre heimespirometri, og du vil få varslar frå appen som minner deg på å utføre heimespirometri etter planen. Ved gjentatte manglande svar, blir oppfølginga avslutta og du går tilbake til ordinær poliklinisk kontroll.
Heimespirometri utløyser ikkje eigendel og er gratis. Ved behov for konsultasjon (fysisk eller digital) tilkjem eventuell eigendel. Det er ingen eigendel hos barn/ungdom under 16 år.
Du står fritt til å avbryte oppfølginga med heimespirometri og gå tilbake til ordinær poliklinisk oppfølging når du måtte ønske, ved å kontakte poliklinikken.
Poliklinikken held til i barne- og ungdomsavdelinga, eit eige bygg like ved hovudinngangen til Ålesund sjukehus.
Åsehaugen 5
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
9. september 2024 stengde vi inngang A ved psykiatribygget (Åsehaugen 7a). Pasientar, pårørande og andre besøkande skal bruke inngang på austsida for å kome til psykiatribygget (punkt 13 på bildet). Tilkomst via gangsti frå hovudinngangen (Åsehaugen 5d) på sjukehuset.
Åsehaugen 5
Besøksparkering på tilvist stad på sjukehusområdet, like ved innkøyringa til sjukehuset. Sjå kart over sjukehusområdet.
20. november 2023 stengde vi poliklinikkinngangen, (inngang nord, Åsehaugen 5a) og la om parkeringsområda ved Ålesund sjukehus i samband med ombygging.
9. september 2024 stengde vi inngang A ved psykiatribygget (Åsehaugen 7a). Pasientar, pårørande og andre besøkande skal bruke inngang på austsida for å kome til psykiatribygget (punkt 13 på bildet). Tilkomst via gangsti frå hovudinngangen (Åsehaugen 5d) på sjukehuset.