Stoffskifte - Molde

Kvifor delta på kurs

Med kurset ønsker vi at du og dine pårørande skal få auka kunnskap om stoffskiftesjukdom, korleis førebygge forverring og skape auka tryggleik, forståing og meistring i det å leve med høgt eller lavt stoffskifte.

Vi ønsker også at du skal få møte andre med same sjukdom og utveksle erfaringar.

Vi oppfordrar pårørande til å delta på opplæringa.

Innhald

• Sjukdom og behandling ved endokrinolog
• Å leve med hypo/hypertyreose ved brukarrepresentant
• Informasjon frå stoffskifteforbundet
• Mestringsinnlegg ved sjukehusprest
• Legemiddel ved klinisk farmasøyt
• Rettar og inkluderende arbeidsliv
• Erfaringsutveksling
  
  Med atterhald om endringar i programmet.

Praktiske opplysingar

Kurset haldast fysisk ved Molde sjukehus (Auditoriet) og går over to kortare kurdagar. Personar kan delta frå heile Møre og Romsdal.

Ta med eigen matpakke, det er også moglegheit for kjøpe lunsj i kantine/kiosk. Det vert servert kaffi/te. 

Det kan verte aktuelt å sende videooverføring til andre sjukehus i fylket, dette vil ein i så fall få nærare beskjed om.

Rettar og eigenandel

Pasientar har rett til fri for å delta på pasientopplæring. Rettar ved reise og opphald gjeld som ved andre polikliniske timar på sjukehuset. Ved lang reisevei kan du også ha rett til å få dekka overnatting. 

Du må betale kursavgift/eigenandel som ved ein vanleg poliklinisk konsultasjon. Dette går inn i frikortgrunnlaget, ingen eigenandel for deg som har frikort eller er pårørande. Faktura sendes etter kurset.

Lenke til utfyllande informasjon om eigenandel og andre rettar finn du her

Nyttige nettsider

Stoffskifteforbundet