Undersøking
Matvareprovokasjon, Ålesund
Matvareprovokasjon er ein test på om ein unormal reaksjon på mat skuldast ei bestemt matvare. Testen er best egna for å avklare akutte reaksjonar.Før
Kva sort matvare som skal testast og i kva form den skal bli gitt, skal avtalast på førehand.
For eit reelt og vellukka resultat er det viktig å ikkje ta antihistaminar som Zyrtec, Aerius, Cetirizin, Xyzal, Vallergan, Phenamin med fleire dei siste sju dagane før undersøkinga.
På testdagen skal du vere frisk, dvs. ikkje vere forkjølt, ha astmasymptom eller feber. Eksem bør vere så godt kontrollert som mogleg. Du bør ikkje ha pågåande utbrudd av elveblest. I så fall må testen utsetjast.
Er du sjuk, har nedsatt allmenntilstand eller brukar antibiotika, så ta kontakt med vår ekspedisjon.
Du kan ete ein lett frukost med trygge matvarer seinast klokka 07.00 på testdagen.
Under
Testdagen blir du undersøkt av lege, og eventuelt blir det tatt ein prikktest.
Deretter et du matvara som skal testast ut. I starten et du kun små mengder, for så å auke gradvis, med ca 30 minutt mellom dosane.
Sjukepleiar er tilstades eller er lett tilgjengeleg under heile testen.
Dersom du får ein reaksjon avsluttast testen. Ved tydeleg allergisk plage vil du få medisinar mot dette.
Etter
Etter avslutta test, blir du i avdelinga i ca 2-4 timar for observasjon for eventuell seinreaksjon. Seinreaksjon på kostprovokasjon kan skje sjølv om det ikkje er symptom under sjølve testen. Dersom det blir seinreaksjon etter at du har forlatt avdelinga, skal dette som oftast behandlast med allergimedisin. Slike seinreaksjonar er ikkje farlege. Vi ber om at du tar kontakt med sjukepleiar dagen etter slik at seinreaksjonen blir registrert hos oss.
Det blir samtale med lege før heimreise.
Kontakt
Ålesund sjukehus
Poliklinikk barn og ungdom Ålesund
Oppmøtestad
Poliklinikken held til i barne- og ungdomsavdelinga, eit eige bygg like ved hovudinngangen til Ålesund sjukehus.
Adresse
- I dag STENGT
Ålesund sjukehus
Åsehaugen 5
Transport
Besøksparkering på tilvist stad på sjukehusområdet, sjå kart under.
- Merk at du alltid må registrere bilnummeret på parkeringsautomat eller i EasyPark-appen ved ankomst
- Vi anbefaler betaling med kort framfor mynt. Då kan du velje P-tid med god margin slik at du unngår stress for å nå parkeringstida. Kjem du tilbake før utløpt tid kan du avslutte ved å sette inn kortet igjen. Du betaler då kun for brukt parkeringstid
- Det er også mogleg å betale med mynt, men då må du tilbake til automaten viss du må forlenge parkeringstida. Du får heller ikkje refundert beløp om du forlater plassen tidlegare
- Appen EasyPark er også eit godt betalingalternativ
Endra parkeringsområde og stengd inngang nord (poliklinikkinngangen)
20. november 2023 stengde vi Inngang nord (poliklinikkinngangen) og la om parkeringsområda ved Ålesund sjukehus i samband med ombygging. Under får du oversikt over dei nye parkeringsområda og korleis du lettast kjem til hovudinngangen.
Markerte område på bildet
- Grøn markering: Parkering for pasientar/besøkande
- Gul markering: HC-parkering
- Raud markering: Parkering for blodgivarar
- Blå markering: Parkering for besøkande med spesialbevis
- Hovudinngang
Merk av- og påstiging "kyss og køyr sone" utanfor barne- og ungdomsavdelinga - Administrasjonsbygget
- Akuttmottaket
- Alderspsykiatrisk døgn
- Alderspsykiatrisk poliklinikk
- Apotek
- Audiopedagogen
- Barne- og ungdomsavdelinga
- BUP
- Dagkirurgi Aust
- Habiliteringsbygget
- Kreftavdelinga
- Psykisk helsevern døgn
- Psykisk helsevern poliklinikk
- UPA
- Åse hotell
- Åsebøen 1
- Åsebøen 5
Besøkande ved habiliteringsbygget, pårørande til barn ved audiopedagogen og barne- og ungdomsavdelinga kan få spesialbevis ved å ta kontakt med avdelingane.