Saman med deg vurderer vi kva behandling du har behov for.
Behandling i TSB kan omfatte avrusing, kartlegging/utgreiing, poliklinisk behandling, dagbehandling, døgnbehandling og ambulerande oppfølging/behandling.
Som oftast får du tilbod om å starte behandlinga på poliklinikk. Saman med deg vurderer vi fortløpande om du har behov for eit anna behandlingsopplegg, som for eksempel døgnbehandling.
Avrusing
Mange kan ha behov for avrusing i starten eller undervegs i eit behandlingsforløp. Avrusinga kan skje poliklinisk ved dagbehandling eller ved innlegging i ei avrusingsavdeling.
Vi følgjer Nasjonal faglig retningslinje for avrusning fra rusmidler og vanedannende legemidler.
Avrusing frå alkohol ved Ålesund behandlingssenter
Avrusning frå alkohol bør skje på institusjon når det er fare for alvorlege avrusingsreaksjonar, når du tidlegare har hatt delirium tremens (akutt forvirring utløyst av alkoholabstinens) eller abstinenskramper. Det er også tilrådeleg viss du har samtidige alvorlege somatiske eller psykiske helseproblem, andre kompliserande tilstandar (som graviditet) og viss du har avhengigheit av fleire rusmiddel eller blandingsmisbruk.
Avrusing på institusjon inneberer medikamentelle, medisinske, miljøterapeutiske og sosiale tiltak for å hjelpe deg å kome gjennom avrusings- og abstinensfasen. Du får tilbod om opphald i eit skjerma miljø med individuelle tiltak for akkurat din tilstand.
-
Før
Du bør lage deg ei oversikt over alkoholforbruket ditt den siste tida, slik at dei medisinske og miljøterapeutiske tiltaka kan tilpassast behovet ditt best mogleg. Dersom du har erfaringar med avrusing frå tidlegare, og veit kva som fungerer for deg, bør du informere behandlaren din om dette. Det er viktig at du seier ifrå om eventuelle episodar med forvirring eller kramper under avrusing, då dette auker faren for at det kan skje igjen. Du vil få behandling for å førebygge dette.
Vi vil ta kontakt med fastlegen din/tilvisar, men vi vil at du informerer oss om kroppslege eller psykiske plager du ønsker at vi skal vete om eller forsøke å hjelpe deg med.
Mange gruer seg til avrusinga og slit med eigenmotivasjonen før innlegginga. Dette er noko vi kan hjelpe deg med om du seier ifrå om dette.
Viss du lurer på noko, kan du ta kontakt med oss.
Treng du transport til samtale/ innlegging? Les om pasientreiser på helsenorge.no
-
Under
I innkallingsbrevet står det informasjon om stad og tidspunkt for oppmøte til innlegging. Nyleg inntak av rusmiddel er inga hindring for å møte til avtalt tidspunkt. Vi kan ta i mot deg i den forma du er.
Når du kjem til avdelinga blir du tatt imot av helsepersonell, og du blir undersøkt av lege. Du blir bedt om å avgi promilletest (blåsetest).
For å førebygge faren for utvikling av Wernickes encefalopati, som kan oppstå som følge av mangel på tiamin (vitamin B), vil du få tilbod om B- vitamininjeksjonar dei første dagane. Vi anbefaler sterkt at du tar imot dette. Vi vil i den første tida måle puls og blodtrykk, og sjekke andre symptom på abstinensar, slik at du kan få rett medisinsk behandling og for å førebygge komplikasjonar.
Viss du er i fare for å utvikle kramper, vil du få medisin som førebygger dette. Nok søvn og mat er viktig for at du skal kome best mogleg gjennom denne fasen. Du opphalder deg på rommet og blir oppfordra til å sove mykje dei første dagane. På generell basis varer denne fasen ca ei veke.
-
Etter
Avrusing er som regel den første delen av eit lengre behandlingsforløp. Eventuell oppfølging etter opphaldet vil anten avklarast før du kjem eller i løpet av behandlinga.
Vi kommuniserer med fastlege og eventuelle andre som skal følgje deg etter behandlinga. Det kan for eksempel vere kommunal oppfølgingsteneste, legemiddelassistert rehabilitering (LAR), apotek, ruskonsulent, rusteam og liknande.
Informasjon blir kun videresendt til andre instansar med tillating frå deg.
Vi kan formidle kontakt med likemannstiltak og andre tilbod som kan vere til støtte for deg etter behandlinga som Anonyme alkoholikere (AA), Anonyme narkomane (NA) og liknande.
Gå til
Avrusing frå alkohol
Avrusing frå benzodiazepiner ved Ålesund behandlingssenter
Avrusing på institusjon inneberer medikamentelle, medisinske, miljøterapeutiske og sosiale tiltak for å hjelpe deg å kome gjennom avrusings- og abstinensfasen ved benzodiazepinavhengigheit. Du får tilbod om opphald i eit skjerma miljø med individuelle tiltak for akkurat din tilstand.
Benzodiazepiner er angstdempande middel og sovemiddel. Desse legemidla er avhengigheitsskapande, og viss dei blir brukt over tid kan det vere vanskeleg å slutte med dei utan hjelp.
Personar som blir innlagt med avhengigheit av benzodiazepiner har ofte samtidig bruk av og avhengigheit til andre rusmiddel. I tillegg viser studiar at ein stor del har samtidig psykisk liding. Innlegging i institusjon, spesielt i startfasen av avrusing frå benzodiazepiner kan bidra til ei grundig kartlegging av omfang av misbruk og vere ein viktig del av ein nedtrappingsplan.
-
Før
Du bør lage deg ei oversikt over legemiddelinntaket ditt den siste tida, slik at dei medisinske og miljøterapeutiske tiltaka kan tilpassast behovet ditt på best mogleg vis. Dersom du har erfaringar med avrusing frå tidlegare, og veit kva som fungerer best for deg, er det også viktig å informere behandlaren din om dette. I nokre tilfelle kan det vere aktuelt å starte nedtrappinga heime med poliklinisk rettleiing, dette vil eventuelt behandlaren og legen din kunne samarbeide om.
Vi vil ta kontakt med fastlegen din/tilvisar, men det er også ønskeleg at du informerer oss om eventuelle kroppslege eller psykiske plager du ønsker at vi skal vete om eller forsøke å hjelpe deg med.
Veldig mange gruer seg til avrusinga og slit med eigenmotivasjonen før innlegginga. Dette er noko vi kan hjelpe deg med, så sei ifrå om dette.Viss du lurer på noko, kan du når som helst ta kontakt med oss.
Treng du transport til samtale/ innlegging? Les om pasientreiser på helsenorge.no
-
Under
I innkallingsbrevet står det informasjon om stad og tidspunkt for oppmøte til innlegging. Nyleg inntak av rusmiddel er inga hindring for å møte til avtalt tidspunkt. Vi kan ta i mot deg i den forma du er.
Når du kjem til avdelinga blir du tatt imot av helsepersonell, og du blir undersøkt av lege. Legen treng nøyaktig informasjon om siste tids inntak slik at den medikamentelle delen av avrusingsbehandlinga kan gjerast så skånsam som mogleg.
Du og legen din skal sette opp ein plan for nedtrapping på benzodiazepiner. Kva legemiddel som blir brukt kan variere mellom dei ulike behandlingsstedene, men baseres på anbefalinger i Nasjonal faglig retningslinje for avrusning fra rusmidler og vanedannende legemidler.
Nedtrappingsplanene er individuelle, og varigheten av nedtrappingen kommer an på hvor mye du har inntatt den siste tiden og hvor lenge misbruket har pågått. Anbefalingene er at prosessen skjer over tid, slik at noe kan gjøres mens du er innlagt, og noe kan gjøres etter utskrivelse med god støtte og planlegging.
Vi monitorerar abstinensproblematikk kontinuerleg den første tida ved hjelp av anerkjente verktøy. Desse målingane vil hjelpe deg og legen til å finne ein best mogleg nedtrappingsplan. Kva medikament som blir brukt i denne fasen vil variere.
Du vil få tilbud om tilrettelagde miljøterapeutiske tiltak som kan hjelpe mot abstinensplager i denne fasen. Lengda på innleggingsperioden vil variere ut frå tidlegare inntak av rusmiddel og ei individuell vurdering.
-
Etter
Avrusing er som regel den første delen av eit lengre behandlingsforløp, vidare behandling og eventuell oppfølging etter opphaldet vil anten avklarast før du kjem eller i løpet av behandlinga.
Vi kommuniserar med fastlege og eventuelle andre du vil ha bruk for når det gjeld oppfølging etter opphaldet, for eksempel kommunal oppfølgingsteneste, legemiddelassistert rehabiliering (LAR), apotek, ruskonsulent, rusteam og liknande.
Informasjon blir kun videresendt til andre instansar med tillating frå deg.
Vi kan formidle kontakt med likemannstiltak og andre tilbod som kan vere til støtte for deg etter behandlinga, som Anonyme alkoholikere (AA), Anonyme narkomane (NA) og liknande.
Gå til
Avrusing frå benzodiazepiner
Avrusing frå opioider ved Ålesund behandlingssenter
Personar som ønsker avrusing av opioider bør innleggast på institusjon etter anbefaling frå helsedirektoratet sine retningsliner for avrusing. Opioider er her brukt som felles nemning på preparat/rusmiddel som for eksempel heroin, morfin, metadon og buprenorfin.
Avrusing på institusjon inneberer medikamentelle, medisinske, miljøterapeutiske og sosiale tiltak for å hjelpe deg å kome gjennom avrusings- og abstinensfasen ved rusmiddelavhengigheit. Du får tilbod om opphald i eit skjerma miljø med individuelle tiltak for akkurat din tilstand.
Helsedirektoratet sine retningsliner for avrusing frå rusmiddel og vanedannande legemiddel
-
Før
Dersom du er tilknytta legemiddelassistert rehabilitering (LAR) vil vi samarbeide med desse om behandlinga di viss det er ønskeleg.
Du bør lage deg ei oversikt over opioidinntaket ditt den siste tida, slik at dei medisinske og miljøterapeutiske tiltaka kan tilpassast behovet ditt best mogleg. Dersom du har erfaringar med avrusing frå tidlegare, og veit kva som fungerer best for deg, er det viktig å informere behandlaren din om dette.
Vi vil ta kontakt med fastlegen din/tilvisar, men det er også ønskeleg at du informerer oss om eventuelle kroppslege eller psykiske plager du ønsker at vi skal vete om eller forsøke å hjelpe deg med.
Veldig mange gruer seg til avrusinga og slit med eigenmotivasjonen før innlegginga. Dette er noko vi kan hjelpe deg med, så sei ifrå om dette.
Viss du lurer noko, kan du når som helst ta kontakt med oss.
Treng du transport til samtale/ innlegging? Les om pasientreiser på helsenorge.no
-
Under
I innkallingsbrevet står det informasjon om stad og tidspunkt for oppmøte til innlegging. Nyleg inntak av rusmiddel er inga hindring for å møte til avtalt tidspunkt. Vi kan ta i mot deg i den forma du er.
Når du kjem til avdelinga blir du tatt imot av helsepersonell, og du blir undersøkt av lege. Legen treng nøyaktig informasjon om siste tids inntak slik at den medikamentelle delen av avrusingsbehandlinga kan gjerast så skånsam som mogleg.
Vi overvåker abstinensproblematikk kontinuerleg den første tida. Desse målingane vil hjelpe deg og legen til å finne ein best mogleg nedtrappingsplan. Kva medikament som blir brukt i denne fasen vil variere.
Du vil få tilbud om tilrettelagde miljøterapeutiske tiltak som kan hjelpe mot abstinensplager i denne fasen. Lengda på avrusingsperioden vil variere ut frå tidlegare inntak av rusmiddel og ei individuell vurdering.
-
Etter
Avrusing er som regel den første delen av eit lengre behandlingsforløp. Vidare oppfølging etter opphaldet vil anten avklarast før du kjem eller i løpet av behandlinga.
Gå til
Avrusing frå opioider
Poliklinikk
Poliklinikk er ofte hovudtilbodet i behandlinga og inneheld individuelle samtalar. Her startar og avsluttar som regel behandlinga. Undervegs i behandlinga, kan du ha behov for annan type behandling. I ein poliklinikk går du til regelmessige samtalar hos ein behandlar over ein periode.
Les meir om poliklinisk behandling ved Molde behandlingssenter
Les meir om poliklinisk behandling ved Ålesund behandlingssenter
Ambulante tenester/behandling
Prinsippet i ambulant behandling er at oppfølginga skjer der du har nettverket ditt. Behandlinga blir altså flytta ut frå vår institusjon og heim til deg og ditt nærmiljø. Ambulante tenester kan vere ei forsterking av poliklinisk behandling eller eit eige behandlingstilbod. Vi kan vere tett på, med moglegheit for dagleg oppfølging saman med deg, i ein intensiv, men tidsavgrensa periode.
Døgnbehandling
Dersom du og behandlaren din kjem fram til at poliklinisk behandling ikkje er tilstrekkeleg, kan det vere nødvendig med innlegging. Då vil behandlinga føregå ved ein døgnavdeling. Ei innlegging har vanlegvis ei varigheit på 3 – 6 månader (korttid), og 6 - 12 månader (langtid), men dette kan også tilpassast individuelt.
Behandlinga eller undersøkinga gjerast fleire stader
Det finst fleire metodar og terapiformer for behandling av rusavhengigheit. Dei ulike behandlingsstadane har forskjellig tilnærming.
Dagbehandling
For nokre kan det vere aktuelt med eit dagtilbod. Dagtilbodet kan vere eit tilbod i ein døgnavdeling der du kan kome og følgje eit behandlingsopplegg på dagtid, eller tilbod i eige dagsenter.