Iontoforese - behandling ved overdriven sveitte

Behandlinga blir gitt til pasientar med overdriven sveitting på hender og føter. Iontoforese inneber bruk av svak elektrisk straum som vi tilfører huda på hender og/eller føter i vassfylte kar. Du kan ikkje få iontoforese ved graviditet, viss du har epilepsi, eller om du har innlagt pacemaker eller protese av metall.

Innleiing

Vi tilbyr éi behandling med apparatet som inkluderer opplæring i bruk. Viss du ønsker å halde fram med behandlinga, søker vi om behandlingshjelpemiddel slik at du får eit iontoforeseapparat heim til deg.

Ønsker du å vite meir om behandlingshjelpemiddel kan du finne meir informasjon hos Behandlingshjelpemidler.no.

Tilvising og vurdering

Helsepersonell

Sjekkliste for tilvisning - Fastlege eller anna helseteneste som tilviser til utgreiing

Helsepersonell

Fastlege eller anna helseteneste som tilviser til utgreiing

Før

Før behandling må du ta av deg smykker, piercing, klokka og eventuelle andre metallgjenstandar du har på kroppen. Gi beskjed til oss om du har implantat i kroppen.

Viss du har tynn hud, sprekk eller små sår i huda som skal behandlast, er det viktig at du seier frå til sjukepleiar som skal gi deg behandling. Styrken på behandlinga blir tilpassa huda di.

Under

Plasser hender og/eller føter i behandlingskaret.

Unngå direkte kontakt med metallelektrodane. Ikkje ta hender/føter ut av behandlingsbadet under behandling. Du kan få lett støyt om du tek ut hender/føter av behandlingsbadet (30V, ufarleg) eller oppleve lett brenning om du er borti metallelektroden.

For høg straumstyrke vil kjennast ubehageleg. Sei frå til oss så vi kan redusere styrken. Det er ikkje uvanleg at du i starten berre toler låg straumstyrke. Toleransen kan auke etter kvart.

Etter

Du må gjere behandlinga jamleg fleire gonger i veka for å oppnå effekt. Viss du tek pause i behandlinga, vil effekten minke raskt. Sjølv ved tidleg effekt er det viktig å gjennomføre heile behandlingsperioden for å sikre lengre effekt av behandlinga. Vedlikehaldsbehandling blir vurdert individuelt avhengig av når plagene kjem tilbake.

For høg intensitet av behandlinga kan føre til små hudsår. For hyppig behandling vil kunne gjere huda tjukkare.