Lysbehandling

Medisinsk lysbehandling bruker vi ved ei rekke hudsjukdommar. Avhengig av type sjukdom og kor alvorleg den er avgjer kva type ultraviolett (UV) lys du får. Dosane er avhengige av hudtypen og kva hudsjukdom som skal behandlast. Behandlinga verkar dempande på betennelse, gir tjukkare overhud og auka pigmentering.

Innleiing

Tilvising og vurdering

Det er hudlege som tilvisier til lysbehandling.

Før

Før du startar behandlinga må du fortelle kva medisinar du brukar. Dette gjeld også naturmedisinar. Enkelte medisinar kan gjere deg meir følsam for lys, slik at du lettare blir brent. Dette gjeld også enkelte kremar/salvar.

Dersom du startar med nye medikament under behandlingsperioden, må du fortelje det til oss. Dette gjeld også naturmedisinar.

Du bør vente med medisinske kremar som lokale steroider og D-vitaminkremar til etter behandlinga, eventuelt må det gå minst to timer mellom medisinske kremar og lysbehandling. Område som ikkje treng behandling (for eksempel ansiktet) bør dekkast til.

Under

Dersom du skal behandle heile kroppen står du i eit lyskabinett. Ved plager/utslett i underliv, hovudbotn eller på hender/føter har vi spesielle lyskilder til bruk på desse områda (sitte-, kam-, hand- og fotsol). Behandlinga blir vanlegvis gitt tre til fem gongar i veka og strålinga tar frå nokre sekund til fleire minutt.

Apparatet gir ei bestemt dose per behandling. Auka dose blir vurdert individuelt.

Ultrafiolett lys

Hovedtypane av ultrafiolett lys er UVA (langbølga) og UVB (kortbølga).

UVB blir delt inn i to undergrupper, smalspektra (TL01) og breispekta. Ein kan få éin type lys eller ein kombinasjon.

Dersom ein tar TL01-behandling kan det for mange vere nok med to gongar i veka. Denne behandlinga skal ein aldri ta to dagar etter kvarandre slik ein kan med UVA og breispektra UVB.

Ved Molde og Kristiansund sjukehus gir vi smalspektra UVB (TL01)

Ved Ålesund sjukehus gir vi breispektra UVB og UVA i tillegg til smalspektra UVB (TL01).

Opningstider for lysbehandling

Ålesund sjukehus: kl. 08.00-11.45 og 13.00-15.30
Kristiansund sjukehus: kl 08.15-11.00 og 12.15-15.15
Molde sjukehus: måndag, onsdag og fredag kl 10.00-14.00

Etter tilvising og vurdering kan du bestille time for lysbehandling. Dette gjer du når du har avtale her hos oss.

Etter

For å unngå tørr og kløende hud bør du bruke fuktkrem etter behandlingane. På behandlingsdagane bør du unngå soling ute.

Ver merksam

Du kan bli brent
På behandlingsdagene bør du unngå soling ute
UV-lys kan gi hudkreft, men for breispektra UVB er risikoen liten ved kontrollert behandling i avgrensa periodar. Risikoen blir alltid vurdert i forhold til den gode effekten behandlinga har
Ved hyppig behandling kan du få raskare aldring av huda
UVA-behandling kan gi plagsom varmeutvikling i kabinettet, og dette kan irritere huda og gi meir kløe for enkelte eksempasientar
Det er ikkje avklart i kva grad UVA kan bidra til kreftutvikling i huda