Strålande opning av UTE-PUSTEROMMET

Med ein solid heiagjeng i ryggen og sterke drivkrefter lokalt vart Ute-Pusterommet endeleg ein realitet ved Ålesund sjukehus. 

 

​Ute-Pusterommet er ein utandørs treningspark for alle, og ikkje minst for kreftpasientar som får tilbod om tilpassa fysisk aktivitet under og etter behandling. Måndag vart den offisielt opna med snorklipping, talar, inviterte gjestar og – trening sjølvsagt.  

– For pasientane gir trening – og spesielt utetrening, ein meistringsfølelse, glede, betra psykisk helse og auka livskvalitet, fortel Marthe som brukar dei fleste høve til å spreie den gode energien. 

Les meir om Pusterommet i Ålesund

– Når det tikkar inn ein e-post frå Marthe, er den sjeldan utan ein trenings-challenge på slutten. Då er det berre å hoppe opp frå kontorstolen og ta dei 15 repetisjonane ein får instruks om, fortel klinikksjef Jorun Bøyum i sin gratulasjonstale. Ho er imponert over innsatsen som er lagt ned, og er trygg på at denne parken skal dei drive i lag i eit godt samarbeid mellom legane som tilviser til fysisk aktivitet i pusteromma.​