Vi tilrår at du alltid nyttar siste versjon av nettlesaren din.
Utdanning og kompetanseutvikling
Her finn du informasjon om lærlingeordning, praksisstudiar, spesialist- og vidareutdanning, utdanningsstillingar, kurs og fagleg utvikling i Helse Møre og Romsdal.
Gjennom utdanning, praksis og kompetanseutvikling bidreg Helse Møre og Romsdal til at helsepersonell har kunnskapen og ferdigheitene som trengst for å gi pasientane god behandling og oppfølging.
UTDANNING AV HELSEPERSONELL
HMR harlærlingerinnenambulansefag, portørfag, helsearbeiderfag og ernæringskokkfaget.
Grunnutdanning av helsepersonell skjer ved universitet og høgskular, medan praksisstudiar er ein viktig del av utdanninga. Helse Møre og Romsdal tek kvart år imot studentar frå ei rekkje helsefaglege utdanningar og tilbyr praksisplassar i samarbeid med fleire utdanningsinstitusjonar.
Vi samarbeider mellom anna med NTNU, Høgskulen i Volda, Høgskulen i Molde og andre universitet og høgskular om praksis og klinisk undervisning innan fagområde som medisin, sjukepleie, fysioterapi, ergoterapi, radiografi, bioingeniørfag, vernepleie, psykologi og andre helsefag.
Helse Møre og Romsdal har òg ei viktig rolle i vidareutdanning av helsepersonell gjennom spesialistutdanning for legar (LIS), inkludert LIS1-teneste, og ved å leggje til rette for praksis og rettleiing i andre profesjonsutdanningar.
Spesialsjukepleiarar er ein viktig del av pasientbehandlinga i sjukehusa og har avansert kompetanse innan sitt fagområde. Helse Møre og Romsdal har behov for fleire spesialsjukepleiarar og legg til rette for vidareutdanning gjennom utdanningsstillingar.
Vidareutdanningane vert i hovudsak gjennomførte som masterutdanningar ved NTNU, innan mellom anna anestesi-, barne-, intensiv-, operasjons- og kreftsjukepleie, samt jordmorutdanning. Helse Møre og Romsdal er ein viktig praksisarena for studentar på desse utdanningane, og dei fleste spesialsjukepleiestudentane som har praksis hos oss kjem frå NTNU.
Sjukehusa i Møre og Romsdal har behov for fleire spesialsjukepleiarar og legg til rette for vidareutdanning gjennom utdanningsstillingar.
Ei utdanningsstilling inneber at du er tilsett i Helse Møre og Romsdal medan du gjennomfører ei vidareutdanning innan eit prioritert spesialsjukepleiarfag. Du får løn under utdanninga og forpliktar deg til å arbeide i føretaket etter fullført utdanning.
Kva studieretningar som vert prioriterte, og kor mange utdanningsstillingar som vert lyst ut, varierer frå år til år og er basert på føretaket sitt kompetansebehov.
Utdanningsstillingane dekkjer 90 prosent løn i inntil 1,5 år. For jordmorutdanning vert det gitt 90 prosent løn i inntil 2 år. Mastergradsdelen av utdanninga (30 studiepoeng) må avtalast med næraste leiar.
For å kvalifisere til ei utdanningsstilling må du:
vere autorisert sjukepleiar
ha minimum to år relevant yrkeserfaring
ha fått studieplass på relevant vidareutdanning ved ein utdanningsinstitusjon i Noreg
Utdanningsstillingane vert vanlegvis lyste ut i februar med søknadsfrist i april. Aktuelle kandidatar vert kalla inn til intervju i løpet av våren eller sommaren.
Utdanningsstilling i HMR
Ei utdanningsstilling inneber at du er tilsett i Helse Møre og Romsdal medan du gjennomfører vidareutdanninga. Du får løn under studiet og forpliktar deg til å arbeide i føretaket etter fullført utdanning.
Har du spørsmål? Ta kontakt på: utdanningsstilling@helse-mr.no.
Kontakt utdanning@helse-mr.no for meir informasjon
Praksisstudiar
Helse Møre og Romsdal er ein av dei største praksisarenaene for helse- og sosialfaglege utdanningar på Nordvestlandet. Kvart år tek vi imot eit stort tal studentar som får verdifull klinisk erfaring ved våre sjukehus og einingar.
Gjennom tett samarbeid med universitet og høgskular tilbyr vi praksisstudiar innan ei rekke fagområde, frå sjukepleie, medisin og psykologi til fysioterapi, radiografi, bioingeniørfag og andre helseprofesjonar. Vi tek òg imot studentar i vidareutdanningar innan mellom anna anestesi-, intensiv- og operasjonssjukepleie (AIO) og jordmorutdanning.
Hos oss får studentane ta del i eit fagmiljø med høg kompetanse, moderne behandlingstilbod og engasjerte rettleiarar som bidreg til gode læringsopplevingar.
Praksisplassane blir tilbydde gjennom samarbeidsavtalar med universitet og høgskular. Seksjon for forsking og utdanning koordinerer praksisstudiar i tett samarbeid med klinikkane.
Helse- og omsorgsdepartementet stiller krav om eit kvalitativt godt tilbod og tilstrekkeleg kapasitet i utdanninga av helsepersonell som har spesialisthelsetenesta som læringsarena. Dette gjeld for helsepersonell i grunnutdanning, turnus og i vidare- og etterutdanning. Utdanning av helsepersonell i spesialisthelsetjenesten vert årleg omtala i departementet sin budsjettproposisjon og i tildelingsbrevet til Helsedirektoratet.
På desse sidene finn du både informasjon om LIS 1 og offentleg utdanningsplan for alle våre spesialitetar, og du finn og informasjon om tilbodet både på og utanfor dei ulike sjukehusa våre. Her er og kontaktinformasjon til oss dersom du har spørsmål. Velkomen til Møre og Romsdal!
Treng du fagleg påfyll? Hald deg oppdatert med våre kurs.
Læringsportalen inneheld både e-læringskurs, videoar og kurs (fagmøte, konferansar). Innhaldet er primært retta mot tilsette, men ein del av kursa er også tilgjengelege for til dømes nye tilsette, studentar og samarbeidspartar i kommunar, utdanningsinstitusjonar og andre regionale helseføretak.
Lærings- og meistringssenteret ved HMR held også kurs for helsepersonell både i spesialisthelsetenesten og i kommunar, til dømes kurs i helsepedagogikk og praktisk kurs i formidling (presentasjonsteknikk).
Helse Møre og Romsdal nyttar simulering som pedagogisk verkty. Dette bidreg til auka fagleg kompetanse og betre pasienttryggleik.
Som tilsett i Helse Møre og Romsdal har du tilgang til eit omfattande bibliotektilbod gjennom NTNU Universitetsbiblioteket. Her får du direkte tilgang til eit breitt spekter av faglege ressursar – frå forskingsartiklar og e-bøker til kliniske oppslagsverk og spesialiserte databasar. Formålet å sikre at våre ansatte har tilgang til relevante kunnskaps- og informasjonsressursar som støttar fagleg utvikling, forsking og kunnskapsbasert praksis.
Gjennom NTNU Universitetsbiblioteket får tilsette i Helse Møre og Romsdal tilgang til eit omfattande utval av digitale ressursar, inkludert:
Nesten 950 000 e-bøker
Elektronisk tilgang til eit stort tal vitskaplege tidsskrift og artiklar
Fagdatabasar, anatomiske atlas og kliniske oppslagsverk
Kurs og støtte til litteratursøk, kildebruk og datahåndtering
Moglegheit for støtte til open publisering
Avtalen med Elsevier om ClinicalKey blir vidareført for HMR. Dette går utanom avtalen mellom NTNU UB og HMN, så gå direkte til https://www.clinicalkey.com
Det lokale samarbeidsorganet (LSO) har ein rådgjevande funksjon i saker innan forsking, utdanning og innovasjon. Organet er eit samarbeid mellom Helse Møre og Romsdal HF, brukarutvalet, universiteter og høgskuler i regionen.
Helse Møre og Romsdal samarbeider med utdanningsinstitusjonar om grunn- og vidareutdanningar både når det gjeld kvalitet, innhald, praksisstudiar, samt om forskarutdanning.
Utdanningsinstitusjonar: Høgskolen i Molde Høgskolen i Volda NTNU Trondheim NTNU Ålesund
Gjensidig kunnskapsoverføring og informasjonsutveksling mellom fagpersonell skal bidra til gode helsetenester og heilskaplege pasientforløp. Det skal løne seg å førebygge sjukdom og pasienten skal få betre behandling der dei bur. Samhandlingsreformen – Rett behandling – på rett sted – til rett tid.
Helse Møre og Romsdal vil gjennom ulike kurstilbod, e-læringskurs og video bidra til kompetansebygging knytt til grunnleggande oppgåver i dei kommunale helse- og omsorgstenestane. I tillegg vil det vere aktuelt å samarbeide med fagnettverk og utdanningsinstitusjonar om felles kurs eller konferansar.
Kompetanseutvikling handlar både om utdanning og intern opplæring. Gjensidig kunnskapsoverføring mellom spesialisthelsetenesta og kommunar, samt andre samarbeidspartar er også ein dimensjon ved kompetanseutvikling.
Utdanning av helsepersonell i spesialisthelsetenesta handlar om grunn- og vidareutdanning, forskarutdanning, spesialistutdanning for legar spesielt og ulike typar kurs.
Intern opplæring handlar om planlegging og tilrettelegging av undervisning og læringsaktivitetar som understøttar organisasjonen sitt behov for utvikling og kontinuerleg forbetring, samt kvalitet og sikkerheit for pasientar og personell.
Gjensidig kunnskapsoverføring handlar om samhandling og samarbeid om kunnskap og kompetanseutvikling med det føremålet å bidra til gode helsetenester for våre innbyggjarar.
